പിക്കപ്പ് വാൻ നിയന്ത്രണം വിട്ട് കടയിലേക്ക് ഇടിച്ചു കയറി മൂന്നു പേർ മരിച്ചു. രണ്ടു പേർക്ക് പരിക്കേറ്റു. കൂടരഞ്ഞി പഞ്ചായത്തിലെ കുളിരാമുട്ടിയിൽ ഇന്ന് രാവിലെയാണ് അപകടം. പൂവാറൻതോടു നിന്ന് കൂടരഞ്ഞി ഭാഗത്തേക്ക് വന്ന പിക്കപ്പ് നിയന്ത്രണം വിട്ട് കടയിലേക്ക് പാഞ്ഞുകയറി മറിയുകയായിരുന്നു. കടയിലുണ്ടായിരുന്ന കുളിരാമുട്ടി പുളികുന്നത്ത് സുന്ദരൻ (62), കവുങ്ങുംതോട്ടത്തിൽ ജോൺ (65), ഡ്രൈവറുടെ സഹായി തേക്കുംകുറ്റി മൂഴിയൻ മുഹമ്മദ് റാഫി (36) എന്നിവരാണ് മരിച്ചത്. കടയുടമ ജോമാേൻ, ഡ്രൈവർ ഷിഹാബുദ്ദീൻ എന്നിവരാണ് ചികിത്സയിലുള്ളത്.
മലയോരമേഖലയായ കുളിരാമുട്ടിയിൽ പതിവായി രാവിലെ ആളുകൾ കൂടിച്ചേരാറുള്ള കടയിലേക്കാണ് ഇറക്കം ഇറങ്ങി വരുകയായിരുന്ന പിക്കപ്പ് ലോറി ഇടിച്ചുകയറിയത്. കടയുടെ ഭിത്തി പൂർണ്ണമായും തകർന്നു. സ്കൂൾ വിദ്യാർത്ഥികൾ ഉൾപ്പെടെ നിരവധി പേർ ബസ് കാത്തുനിൽക്കുന്ന ഇടമാണിത്. അപകടം ഉണ്ടാകുന്നതിന് തൊട്ടുമുമ്പായി ബസ് കടന്നുപോയതിനാൽ വലിയ ദുരന്തമാണ് ഒഴിവായത്.
മരിച്ച സുന്ദരന്റെ ഭാര്യ: പ്രേമ. മക്കൾ: അമൃത, ആതിര. ലില്ലി കിഴക്കെ പറമ്പിലാണ് മരിച്ച ജോണിന്റെ ഭാര്യ. മക്കൾ: പ്രിയ (യുകെ), പ്രജീഷ് (ഇറ്റലി). മുഹമ്മദ് റാഫിയുടെ ഭാര്യ: ശൈലത് ബാനു. മക്കൾ: ഹസ ഫാത്തിമ, ആഷ്മി.
English Summary:Three killed as pickup rammed into shop; Two people were injured
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.