തിരുവനന്തപുരം പൂവാറില് പ്രായപൂര്ത്തിയാകാത്ത സഹോദരിമാരെ അതിക്രൂരമായ ലൈംഗിക പീഡനത്തിന് ഇരയാക്കിയ മുന് സൈനികന് അറസ്റ്റില്. പത്തും പന്ത്രണ്ടും വയസുള്ള കുട്ടികളാണ് പീഡനത്തിന് ഇരയായത്. പൂവാര് സ്വദേശി 56കാരനായ ഷാജി ആണ് അറസ്റ്റിലായത്. സ്കൂളില് നടത്തിയ കൗണ്സിലിങ്ങിലാണ് അതിക്രൂര പീഡന വിവരം പുറത്തറിയുന്നത്.
പ്രതിയുടെ വീട്ടില് കുട്ടികളുടെ കുടുംബം നേരത്തെ വാടകയ്ക്ക് താമസിച്ചിരുന്നു. ഈ പരിചയം മുതലെടുത്താണ് ഇയാള് കുട്ടികളെനിരന്തരം പീഡനത്തിനിരയാക്കിയത്. വീട്ടില് ആരും ഇല്ലാതിരുന്ന സമയത്തായിരുന്നു പീഡനം.
പ്രതി ഓട്ടോറിക്ഷയിലാണ് കുട്ടികളുടെ വീട്ടില് പോയിരുന്നത്. ഇയാള് മടങ്ങിക്കഴിഞ്ഞ ശേഷം ഓട്ടോക്കാരനും കുട്ടികളെ ഉപദ്രവിച്ചെന്നാണ് കൗണ്സിലിങ്ങില് വെളിപ്പെടുത്തിയിരിക്കുന്നത്. എന്നാല് മാനസിക സംഘര്ഷം നേരിടുന്ന കുട്ടികള് കൗണ്സിലിങ്ങില് പറഞ്ഞ പല കാര്യങ്ങളും പൊലീസിനോട് വെളിപ്പെടുത്തിയിട്ടില്ല. ചില വസ്തുക്കള് തങ്ങളുടെ ശരീരത്തില് കുത്തിവച്ചെന്നും കുട്ടികള് വെളിപ്പെടുത്തി. പ്രതിയുടെ തന്നെ പലരുമായുള്ള ലൈംഗിക ദൃശ്യങ്ങള് കുട്ടികളെ മൊബൈലില് കാണിച്ചിരുന്നു. കുട്ടികളുടെ മൊഴി വിശദമായി രേഖപ്പെടുത്തിയ ശേഷം പൊലീസ് തുടര്നടപടികളിലേക്ക് കടക്കും.
English Summary: Two children raped; ex soldier arrested
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.