നാലും ആറും വയസുള്ള കുട്ടികളുടെ കളിയില് പൊലിഞ്ഞത് രണ്ട് മാസം മാത്രം പ്രായമുള്ള അനിയത്തി. മധ്യപ്രദേശിലെ നര്മ്മദാപുരത്താണ് സംഭവം. ടെഡ്ഡി ബിയറിനെ കുളിപ്പിക്കുന്നതുപോലെ അനിയത്തിയെ ഇരുവരും ചേര്ന്ന് ബക്കറ്റില് മുക്കി കുളിപ്പിക്കുകയായിരുന്നു. ഇതിനിടെ കുഞ്ഞ് മരിക്കുകയായിരുന്നുവെന്ന് പൊലീസ് കണ്ടെത്തി.
കഴിഞ്ഞ ബുധനാഴ്ചയാണ് കുഞ്ഞിനെ ബക്കറ്റില് മരിച്ച നിലയില് കണ്ടെത്തുന്നത്. അമ്മ അടുക്കളയില് ആയിരുന്ന സമയത്താണ് കുട്ടികള് അനിയത്തിയെ എടുത്തുകൊണ്ടുപോയത്. ആദ്യം ഇവരുടെ ടെഡ്ഡി ബിയറിനെ ബക്കറ്റില് മുക്കി കുളിപ്പിച്ച് ഉണക്കാന് വെച്ചു. പിന്നീട് ഇളയ കുഞ്ഞിനെയും എടുത്തുകൊണ്ടുപോയി ഇതേ രീതിയില് കുളിപ്പിക്കുകയായിരുന്നു. ഇടയ്ക്ക് കുഞ്ഞ് ബക്കറ്റിലേക്ക് വഴുതി വീണു. പരിഭ്രാന്തരായ കുട്ടികള്, ബക്കറ്റ് അടപ്പുകൊണ്ട് മൂടിവച്ചു. കുഞ്ഞ് മരിച്ചതില് ദുരൂഹതയുണ്ടെന്ന ആരോപണത്തെത്തുടര്ന്ന് പൊലീസ് നടത്തിയ ചോദ്യം ചെയ്യലിലാണ് കുട്ടികള് തങ്ങള്ക്ക് പറ്റിയ അബദ്ധം വെളിപ്പെടുത്തിയതെന്ന് പൊലീസ് പറഞ്ഞു.
English Summary: two month baby dies by sisters
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.