ഉടലുരുകി
പൊഴിഞ്ഞത്
ആണുംപെണ്ണുംകെട്ടത്
എന്നഅമ്മനോവിന്റെ
നിലവിളിയിൽ
നിന്നായിരുന്നു
കളിയാക്കലുകളുടെ
ഒടുവിലത്തെ
അടയാളം പോലും
ചൂഴ്ന്നെടുത്ത്
കൂടെപ്പിറപ്പുകളുടെ
ശകാരം.
അടുത്തിരിക്കാൻ പേടിച്ച് ബാല്യകാലസഖി
മുഖമുയർത്താതെ
കൃത്യം അകലത്തേക്ക്
കൂട്ടുകാരുടെ
തോളിൽ കയ്യിട്ട് കൂട്ടയോട്ടത്തിന്
കൂട്ടാക്കാത്ത
ഉള്ളുലച്ചിലിന്റെ
വേലിയേറ്റങ്ങൾ
രണ്ടുമല്ലാത്തതിനെ
പടിയടച്ച് പിണ്ഡം
വച്ച് അച്ഛന്റെ
കണ്ണുനീരഭിഷേകം
ആളും ആരവവും
ഒഴിഞ്ഞിടത്ത്
തനിച്ചിരിക്കാൻ
പോലുമാവാതെ
ബലാത്സംഗങ്ങൾ
യാചകനായും
വേശ്യയായും
ഉരുകിയുടഞ്ഞ്
എത്രയോ വട്ടം
മരിച്ചൊരുടലായി
മരവിച്ച മനസുമായി
യാത്രകളൊടുങ്ങാതങ്ങനെ .….…
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.