അറക്കാൻ ചാപ്പ കുത്തിയ
ഉരുക്കളെ തെരുവിൽ
ആട്ടിത്തെളിക്കുന്നു
അഹന്തയുടെ ആക്രാന്തങ്ങൾ
വശങ്ങളിൽ മുക്രയിടുന്നു
ആർത്തി മൂത്ത നാട്ടുമൃഗങ്ങൾ
മുരളുന്നു
നൂറ്റാണ്ടുകൾക്കപ്പുറത്ത്
പെരുത്തുകയറിയ ആണൂക്ക്
പെരുംതുടയില്ലിട്ടടിച്ചട്ടഹസിക്കുന്നു
കടവാക്കോണിലിലൂടെ
ആസക്തികൾ ഒലിച്ചിറങ്ങുന്നു
ആയിരംകാലുള്ള തേരട്ടകൾ
നഗ്നതയിലാകെ
ഇഴഞ്ഞുകയറുന്നു
ചീർത്തുപൊട്ടാറായിട്ടും
കുളയട്ടകൾ വലിച്ചീമ്പിക്കുടിക്കുന്നു
പേപ്പട്ടികൾ
കടിച്ചു പറിക്കുന്നു
കൂർത്തകോമ്പല്ലിൽ
കോർത്തുവലിച്ചതിന്റെ ബാക്കി
വെട്ടുതുണിപോലെ മണ്ണിൽ
അറക്കാനുള്ള വിധി
ഏതു നിമിഷവും
എവിടെയും
സംഭവിക്കാവുന്നതാണ്
ചിലരുടെ സ്വാദ്
മുകുളങ്ങൾക്ക്
ആവേശം തോന്നിയാൽ മാത്രം മതി
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.