ഇംഗ്ലണ്ടിനെതിരെ നാളെ ആരംഭിക്കുന്ന ഏകദിന ക്രിക്കറ്റ് പരമ്പരയ്ക്കുള്ള ഇന്ത്യന് ടീമില് സ്പിന്നര് വരുണ് ചക്രവര്ത്തിയെ ഉള്പ്പെടുത്തി. അടുത്തിടെ അവസാനിച്ച ഇംഗ്ലണ്ടിനെതിരായ അഞ്ച് മത്സരങ്ങളടങ്ങിയ ടി20 പരമ്പരയില് വരുണ് മികച്ച പ്രകടനം കാഴ്ചവച്ചിരുന്നു. പരമ്പരയിലെ താരമായി തെരഞ്ഞെടുക്കപ്പെട്ടതും വരുണ് ചക്രവര്ത്തിയായിരുന്നു.
ടി20 പരമ്പരയ്ക്ക് പിന്നാലെ വരുണ് നാഗ്പൂരിലേക്ക് യാത്ര തിരിച്ചിരുന്നു. വിദര്ഭ ക്രിക്കറ്റ് അസോസിയേഷന് സ്റ്റേഡിയത്തില് ടീമിനൊപ്പം താരം പരിശീലനം നടത്തുകയും ചെയ്തു. ചാമ്പ്യന്സ് ട്രോഫിക്കുള്ള ഇന്ത്യന് ടീമില് വരുണിനെ ഉള്പ്പെടുത്തിയിരുന്നില്ല. ഈ ഏകദിന പരമ്പരയില് മികച്ച പ്രകടനം കാഴ്ചവയ്ക്കാനായാല് വരുണിന് ചാമ്പ്യന്സ് ട്രോഫി ടീമിലേക്ക് വിളിയെത്തിയേക്കും.
ഏകദിന പരമ്പരയ്ക്കുള്ള ഇന്ത്യന് ടീം: രോഹിത് ശര്മ്മ (ക്യാപ്റ്റന്), ശുഭ്മാന് ഗില്, യശസ്വി ജയ്സ്വാള്, വിരാട് കോലി, ശ്രേയസ് അയ്യര്, കെ എല് രാഹുല്, റിഷഭ് പന്ത്, ഹാര്ദിക് പാണ്ഡ്യ, രവീന്ദ്ര ജഡേജ, അക്സര് പട്ടേല്, വാഷിങ്ടണ് സുന്ദര്, കുല്ദീപ് യാദവ്, വരുണ് ചക്രവര്ത്തി, മുഹമ്മദ് ഷമി, അര്ഷ്ദീപ് സിങ്, ഹര്ഷിത് റാണ.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.