മഹാരാഷ്ട്ര തദ്ദേശ സ്വയംഭരണ തിരഞ്ഞെടുപ്പിന്റെ ഭാഗമായി വോട്ട് ചെയ്യാനെത്തിയ ബിജെപി എം പിയും നടിയുമായ ഹേമ മാലിനിക്കെതിരെ വോട്ടർമാരുടെ പ്രതിഷേധം. ഇന്ന് (ജനുവരി 15) രാവിലെ മുംബൈയിലെ പോളിങ് ബൂത്തിൽ വോട്ട് രേഖപ്പെടുത്തിയ ശേഷം മാധ്യമങ്ങളോട് സംസാരിക്കവെയാണ് ക്യൂവിൽ നിന്നവർ നടിക്കെതിരെ തിരിഞ്ഞത്. മണിക്കൂറുകളോളം വരി നിന്നവരെ മറികടന്ന് ഹേമ മാലിനിക്ക് പ്രത്യേക പരിഗണന നൽകി വോട്ട് ചെയ്യാൻ അനുവദിച്ചതാണ് പ്രതിഷേധത്തിന് കാരണമായത്.
“ഞങ്ങൾ കഴിഞ്ഞ 60 വർഷമായി ഇവിടെ വോട്ട് ചെയ്യുന്നു, ഇത്രയും മോശം മാനേജ്മെന്റ് ആദ്യമായാണ്. രാവിലെ 7.45 മുതൽ വരിയിൽ നിൽക്കുകയാണ് ഞാൻ, എന്നാൽ 9.30ഓടെയാണ് വോട്ട് ചെയ്യാനായത്. ആർക്കും ഒരു ഉത്തരവാദിത്തവുമില്ല,” എന്ന് ഒരാൾ പരസ്യമായി നടിയോട് പരാതിപ്പെട്ടു. മുംബൈയിലെ 227 വാർഡുകളിലേക്കുള്ള വോട്ടെടുപ്പ് ഇന്നാണ് നടക്കുക. വെള്ളിയാഴ്ചയാണ് (ജനുവരി 16) വോട്ടെണ്ണൽ.
ANGRY Common Citizens Confront Hema Malini As She Gets a Special Treatment By Election Commission and Citizens Were Left Standing.#HemaMalini #BMCElection2026 pic.twitter.com/YMaKUi7qPy
— $@M (@SAMTHEBESTEST_) January 15, 2026
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.