തരിശു രഹിത കേരളത്തിനായി കർഷകത്തൊഴിലാളികളും പൊതുസമൂഹവും രംഗത്തിറങ്ങണമെന്ന് ഡെപ്യൂട്ടി സ്പീക്കറും ബികെഎംയു സംസ്ഥാന പ്രസിഡന്റുമായ ചിറ്റയം ഗോപകുമാർ. ബികെഎംയു നേതൃത്വത്തിൽ സംഘടിപ്പിച്ച തരിശുരഹിത ഭൂമിയുടെ സംസ്ഥാനതല വിളവെടുപ്പ് ഉദ്ഘാടനം ചെയ്യുകയായിരുന്നു അദ്ദേഹം. മണലൂർ പഞ്ചായത്തിൽ രണ്ട് ഏക്കറിൽ കൂർക്ക, കപ്പ, ചെണ്ടുമല്ലി, വാഴ, മഞ്ഞൾ, ചേന, പയർ എന്നിവയാണ് കൃഷി ചെയ്തത്. ജില്ലാപഞ്ചായത്ത് പ്രസിഡന്റും ബികെഎംയു ജില്ലാസെക്രട്ടറിയുമായ വി എസ് പ്രിൻസ് അധ്യക്ഷനായി. കൃഷിക്ക് നേതൃത്വം നൽകിയവരെ സംസ്ഥാന ജനറൽ സെക്രട്ടറി ഗോവിന്ദൻ പള്ളിക്കാപ്പിൽ ആദരിച്ചു. സിപിഐ സംസ്ഥാന എക്സിക്യൂട്ടീവ് അംഗം സി എൻ ജയദേവൻ മുഖ്യാതിഥിയായി. രാഗേഷ് കണിയാംപറമ്പിൽ, പി എസ് ജയൻ, എൻ കെ സുബ്രഹ്മണ്യൻ, പി കെ കൃഷ്ണൻ, വി ആർ മനോജ്, കെ വി വിനോദൻ, എം ആർ മോഹനൻ, സാജൻ പി ബി മുഹമ്മദ്, ബെന്നി ആന്റണി, വി ജി രാധാകൃഷ്ണൻ, പി കെ ചന്ദ്രൻ, കെ കെ സെൻ എന്നിവർ സംസാരിച്ചു.
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.