വീഡിയോ കോളിങ് ഫീച്ചറില് പുത്തന് അപ്ഡേറ്റുമായി വാട്സ്ആപ്പ്. രണ്ട് പുതിയ ഫീച്ചറുകളാണ് വാട്സ്ആപ്പ് പുറത്തിറക്കിയിരിക്കുന്നത്.
വീഡിയോ കോളുകളില് ഫില്ട്ടര്, ബാഗ്രൗണ്ട് ഫീച്ചറുകളാണ് ഇനിമുതല് ഉപയോക്താക്കള്ക്ക് ലഭിക്കുക. വീഡിയോ കോളില് പശ്ചാത്തലം മാറ്റാനുള്ള ഫീച്ചര് ഉപയോക്തകള്ക്ക് കൂടുതല് സ്വകാര്യത സൂക്ഷിക്കാന് വഴിയൊരുക്കും. ചുറ്റുപാടുകളെ ഒരു കോഫി ഷോപ്പോ, അല്ലെങ്കില് ഒരു സ്വീകരണ മുറിയില് ഇരുന്ന് സംസാരിക്കുന്ന തരത്തിലും മാറ്റാന് കഴിയും. ഇത്തരത്തില് ഉപയോക്താക്കള്ക്ക് 10 ഫില്ട്ടറുകളും പശ്ചാത്തലങ്ങളും തെരഞ്ഞെടുക്കാം. വീഡിയോ കോളിങ് സമയം ഉപയോക്താക്കള്ക്ക് അവരുടെ മുഖത്തിന് തെളിച്ചം കൂട്ടുന്നതിന് ടച്ച് അപ്പ്, ലോ ലൈറ്റ് ഓപ്ഷനുകളും പുറത്തിറക്കിയിട്ടുണ്ട്. അതേസമയം ഫീച്ചറുകള് ചില ഉപയോക്താക്കള്ക്ക് ലഭിക്കാന് തുടങ്ങി. വരും ആഴ്ചകളില് ഫീച്ചറുകള് എല്ലാവരിലേക്കും ലഭ്യമാകും.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.