പുതുവത്സരാഘോഷം കഴിഞ്ഞ് മടങ്ങിവരുന്നതിനിടെ പൊലീസ് ജീപ്പിടിച്ച് യുവാക്കള്‍ക്ക് ദാരുണാന്ത്യം

ആലപ്പുഴയിൽ പൊലീസ് ജീപ്പ് ഇടിച്ച് രണ്ട് യുവാക്കൾ മരിച്ചു. ആലപ്പുഴ തണ്ണീർമുക്കം റോഡിൽ തലവടിയിൽ പുലർച്ച 3.30 നായിരുന്നു അപകടം. കോട്ടയം സ്വദേശി ജസ്റ്റിൻ, കുമരകം സ്വദേശി അലക്സ് എന്നിവരാണ് മരിച്ചത്. ആലപ്പുഴ ഡിസിആർബി ഡിവൈഎസ്പിയുടെ ജീപ്പാണ് അപകടത്തിൽപ്പെട്ടത്. അപകട സമയത്ത് ഡ്രൈവർ മാത്രമാണ് ജീപ്പിൽ ഉണ്ടായിരുന്നത് എന്ന് പൊലീസ് പറയുന്നു. 

ബൈക്കിലടിച്ച് നിയന്ത്രണംവിട്ട ജീപ്പ് സമീപത്തെ മതിലും തകർത്താണ് നിന്നത്. ഡ്രൈവർ ഉറങ്ങിപ്പോയതാകാം അപകടകാരണം എന്നാണ് പ്രാഥമിക നിഗമനം. ആലപ്പുഴ ബീച്ചിൽ നടന്ന പുതുവത്സരാഘോഷത്തിൽ പങ്കെടുത്തു മടങ്ങിയ യുവാക്കളാണ് അപകടത്തിൽപ്പെട്ടത്.

Eng­lish Sum­ma­ry: While return­ing from the New Year’s Eve cel­e­bra­tion, the police caught the jeep and met with a trag­ic end

You may also like this video