കറുത്തവനെന്ന് വിളിച്ച് അധിക്ഷേപിച്ച ഭാര്യയില്നിന്ന് ഭര്ത്താവിന് വിവാഹമോചനം അനുവദിച്ച് കര്ണാടക ഹൈക്കോടതി. 44 കാരനായ യുവാവിനാണ് ഭാര്യയില് നിന്ന് വിവാഹമോചനം ലഭിച്ചത്. നിറത്തിന്റെ പേരില് അപമാനിക്കുന്നത് ക്രൂരതയാണെന്നും ഇതിന്റെ പേരില് പരിഹസിക്കുന്നത് വിവാഹ മോചനത്തിനുള്ള ശക്തമായ കാരണമാണെന്നും ജസ്റ്റിസ് അലോക് ആരാദേയും ജസ്റ്റിസ് ആനന്ദ് രാമാനന്ദ് ഹെഗ്ഡേയും അടങ്ങുന്ന ഡിവിഷന് ബെഞ്ച് നിരീക്ഷിച്ചു.
16 വര്ഷം നീണ്ട വിവാഹ ബന്ധമാണ് അവസാനമായത്. സൂക്ഷ്മമായ വിശകലനത്തില് ഭാര്യ നിറത്തിന്റെ പേരില് ഭര്ത്താവിനെ നിരന്തരം പരിഹസിച്ചിരുന്നതായും ഇതേ കാരണത്താൽ ഭര്ത്താവിന്റെ അടുത്തുനിന്ന് മാറിത്താമസിച്ചതായും കോടതി കണ്ടെത്തി. ഇത് മറച്ചുവെക്കാൻ ഭർത്താവിനെതിരെ അവിഹിതം ഉൾപ്പെടെയുള്ള തെറ്റായ ആരോപണങ്ങൾ ഉയർത്തിയതായും കണ്ടെത്തിയ കോടതി ഇത് ക്രൂരതയാണെന്നും വിലയിരുത്തി.
2007ല് വിവാഹിതരായ ദമ്പതികള്ക്ക് ഒരു പെണ്കുട്ടിയുണ്ട്.
English Summary: Wife calling hubby dark-skinned is cruelty: Karnataka high court
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.