ശൈത്യകാലം കടുത്തതോടെ ലക്ഷകണക്കിന് ദേശാടന പക്ഷികള് മധ്യപ്രദേശിലെ പന്നയിലുള്ള പവായ്വനമേഖലയിൽ എത്തിച്ചേർന്നു. ഗൾഫ് രാജ്യങ്ങളിൽ നിന്നും മധ്യേഷ്യയിൽ നിന്നുമാണ് ഈ പക്ഷികൾ പന്നയിലെ വനങ്ങളിലേക്ക് എത്തിയതെന്ന് അഘികൃതര് വ്യക്തമാക്കി. യൂറേഷ്യൻ ഗ്രിഫൺ കഴുകൻ, ഹിമാലയൻ ഗ്രിഫൺ കഴുകൻ, പെയിന്ഡ് സ്റ്റോർക്കുകൾ, അപൂര്വ ഇനത്തിൽപ്പെട്ട കറുത്ത കൊക്കുകൾ എന്നിവയാണ് പനായിൽ എത്തിയ പ്രധാന ഇനങ്ങൾ. വനവകുപ്പ് ഉദ്യോഗസ്ഥർ നൽകുന്ന വിവരങ്ങൾ പ്രകാരം, യൂറേഷ്യൻ ഗ്രിഫൺ കഴുകന്മാർ കസാക്കിസ്ഥാൻ, ഉസ്ബെക്കിസ്ഥാൻ തുടങ്ങിയ മധ്യേഷ്യൻ മേഖലകളിൽ നിന്നാണ് ഇവിടേക്ക് പറന്നെത്തുന്നത്. അതേസമയം, ഹിമാലയൻ ഗ്രിഫൺ കഴുകന്മാരാകട്ടെ ഹിമാലയ പർവ്വതനിരകൾ, തിബറ്റ്, മധ്യ ചൈനയുടെ ചില ഭാഗങ്ങൾ എന്നിവിടങ്ങളിൽ നിന്നുമാണ് പന്നയിലെ പവായ് വനങ്ങളിലേക്ക് എത്തുന്നത്.
അടുത്ത മൂന്ന് മാസത്തോളം ഈ പക്ഷികൾ പവായ് വനമേഖലയിൽ തുടരുമെന്നാണ് വനംവകുപ്പ് ഉദ്യോഗസ്ഥർ പറയുന്നത്. വംശനാശഭീഷണി നേരിടുന്ന കഴുകൻമാരുടെ വർദ്ധിച്ച സാന്നിധ്യം പരിസ്ഥിതിക്കും ജൈവവൈവിധ്യ സംരക്ഷണത്തിനും വലിയ പ്രതീക്ഷയാണ് നൽകുന്നത്. മേഖലയിലെ വനംവകുപ്പിന്റെ കൃത്യമായ സംരക്ഷണ പ്രവർത്തനങ്ങളാണ് ഇത്രയധികം പക്ഷികളെ ഇവിടേക്ക് ആകർഷിക്കാൻ കാരണമായതെന്ന് സൗത്ത് പന്ന ഫോറസ്റ്റ് ഡിവിഷൻ ഡിഎഫ്ഒ അനുപം ശർമ്മ പറഞ്ഞു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.