ആഴ്ചയില് നാല് ദിവസം മാത്രം പ്രവൃത്തി ദിവസമാക്കിക്കൊണ്ടുള്ള ബ്രിട്ടനിലെ തൊഴില് മേഖലയില് നടത്തിയ പരീക്ഷണം വിജയമെന്ന് റിപ്പോര്ട്ട്. ജോലിക്കാരില് 97 ശതമാനം പേരും ആഴ്ചയില് നാല് ദിവസം മാത്രംജോലി ചെയ്യാന് ആഗ്രഹിക്കുന്നവരാണെന്ന് പഠനത്തില് കണ്ടെത്തി.
2022 ജൂണില് ആരംഭിച്ച ഫോര്ഡേ വീക്ക് ക്യാമ്പയിന് ഡിസംബറിലാണ് അവസാനിച്ചത്. ഓക്സ്ഫോർഡ്, കേംബ്രിഡ്ജ് എന്നീ സർവകലാശാലകളുടെ നേതൃത്വത്തില് വിവിധമേഖലകളായി പ്രവര്ത്തിക്കുന്ന 61 കമ്പനികള് കേന്ദ്രീകരിച്ചായിരുന്നു പഠനം.
നാല് ദിവസത്തെ പ്രവൃത്തി ദിനങ്ങള് തൊഴിലാളികളുടെ ഉല്പാദനക്ഷമതയും ജീവിത നിലവാരവും വര്ധിപ്പിക്കുമെന്നും പഠനത്തില് കണ്ടെത്തി. തൊഴിലാളികളുടെ മാനസിക സമ്മര്ദം, ക്ഷീണം എന്നീ പ്രശ്നങ്ങള് കുറയ്ക്കുമെന്നും വിദഗ്ധര് ചൂണ്ടിക്കാണിക്കുന്നു. ജോലിസമയം കുറഞ്ഞത് പുരുഷന്മാരെ അപേക്ഷിച്ച് സ്ത്രീകള്ക്കാണ് ഏറ്റവുമധികം ഗുണംചെയ്യുകയെന്നും പഠനത്തില് പറയുന്നു.
ടെക്നോളജി, മാര്ക്കറ്റിങ്, ഇവന്റ്സ് തുടങ്ങിയ മേഖലകളില് പ്രവര്ത്തിക്കുന്ന സര്വീസ് സെക്ടറിലുള്ള കമ്പനികളാണ് പുതിയ രീതിയിലേക്ക് മാറിയിട്ടുള്ളത്.
യൂറോപ്യൻ, ദക്ഷിണാഫ്രിക്കൻ, ബ്രസീലിയൻ, വടക്കേ അമേരിക്കൻ രാജ്യങ്ങളിലും പരീക്ഷണം നടത്താന് പദ്ധതിയുണ്ട്.
English Summary: With only four working days a week in London, the experiment was a success
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.