കണ്ണൂര് ചെറുപുഴയില് ഡ്രൈവിങ് സ്കൂള് ജീവനക്കാരിയെ കുത്തിപ്പരിക്കേല്പ്പിച്ചു. ചെറുപുഴയിലെ ഡ്രൈവിങ് സ്കൂളിലെ ജീവനക്കാരിയായ സി കെ സിന്ധുവിനാണ് കുത്തേറ്റത്. ഇന്ന് ഉച്ചക്ക് രണ്ടോടെയാണ് സംഭവം. ആക്രമണം നടത്തിയ കന്യാകുമാരി സ്വദേശി രാജന് യേശുദാസിനെ പൊലീസ് കസ്റ്റഡിയിലെടുത്തു. യുവതിയുടെ തലക്കും പുറത്തുമാണ് കുത്തേറ്റത്.
യുവതിയെ ആക്രമിച്ചശേഷം ഓടി രക്ഷപ്പെട്ട പ്രതിയെ പൊലീസ് പിന്തുടർന്ന് പിടികൂടുകയായിരുന്നു. യുവതി ചെറുപുഴയിലെ സ്വകാര്യ ആശുപത്രിയില് ചികിത്സയിലാണ്.
യുവതിയുടെ നിലവിളി കേട്ട് നാട്ടുകാര് ഓടിയെത്തുകയായിരുന്നു. ഇതോടെ പ്രതി സമീപത്തെ ആളൊഴിഞ്ഞ പറമ്പിലേക്ക് ഓടിരക്ഷപ്പെടാന് ശ്രമിച്ചു. ഇതിനിടയില് ചെറുപുഴ പൊലീസും സ്ഥലത്തെത്തി. പൊലീസിനെ കണ്ടതോടെ രക്ഷപ്പെടാന് ശ്രമിച്ച പ്രതിയെ പിന്തുടര്ന്നാണ് പൊലീസ് പിടികൂടിയത്. തമിഴ്നാട് സ്വദേശിയായ ഇയാള് പത്തുവര്ഷത്തോളമായി കണ്ണൂരിലാണ് താമസം. സാമൂഹിക മാധ്യമം വഴിയ യുവതിയെ പരിചയമുണ്ടെന്നാണ് പ്രതി നല്കിയ മൊഴി. എന്നാല്, ഇയാളെ അറിയില്ലെന്നാണ്യുവതി പറയുന്നത്.
English Summary: woman stabbed at Kannur Cherupuzha; Accused held
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.