തിരുവനന്തപുരം ബാലരാമപുരം കരമനകളിയിക്കാവിള ദേശിയ പാതയിൽ മുടവൂർപ്പാറയിൽ ഇറച്ചി വാങ്ങാനായി കടയിലെത്തിയ യുവാവിനെ രണ്ടംഗ അക്രമി സംഘം കുത്തി പരിക്കേല്പിച്ചു. കേളേശ്വരം സ്വദേശി രാജീവി(26)നാണ് കുത്തേറ്റത്. ശനിയാഴ്ച രാത്രി എട്ടര മണിയോടെ രാജീവും സുഹൃത്തുമായി മുടവൂർപ്പാറയിലെ കടയിൽ ഇറച്ചി വാങ്ങാനായി എത്തി.
ഈ സമയം കാക്കാമൂല സ്വദേശികളായ സച്ചു, അഖിൽ എന്നിവർ കടയിൽ എത്തുകയും രാജീവുമായുള്ള മുൻ വൈരാഗ്യത്തിൽ കടയ്ക്കുള്ളിൽ നില്ക്കുകയായിരുന്ന രാജീവിനെ സച്ചു വയറ്റിൽ കത്തികൊണ്ട് കുത്തി പരിക്കേല്പിക്കുകയായിരുന്നു. ഗുരുതരമായി പരിക്കേറ്റ രാജീവ് മെഡിക്കൽ കോളജ് ആശുപത്രിയിൽ തീവ്രപരിചരണ വിഭാഗത്തിൽ ചികിത്സയിലാണ്. ബാലരാമപുരം പൊലീസ് കേസെടുത്തു അന്വേഷണ ആരംഭിച്ചു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.