യൂത്ത് കോണ്ഗ്രസ് പ്രസിഡന്റ് നിയമനത്തില് ഐഗ്രൂപ്പിന് അതൃപ്തി. സംഘടന തെരഞ്ഞെടുപ്പില് രണ്ടാമത് എത്തിയിട്ടും നിലവിലെ വൈസ് പ്രസിഡന്റായ അബിന് വര്ക്കിയെ അവഗണിച്ചതായി പരാതി. ഏറ്റവും പിന്നിലുള്ള ഒ ജെ ജനീഷിനെ പരിഗണിച്ചത് അന്യായമെന്നാണ് ഐ ഗ്രൂപ്പ് ആരോപിക്കുന്നത്.വര്ക്കിംഗ് പ്രസിഡന്റ് പദവിയിലേക്ക് അബിന് വര്ക്കിയെ പരിഗണിക്കാത്തതിലും ഐ ഗ്രൂപ്പിന് കടുത്ത അതൃപ്തിയുണ്ട്.
രാഹുല് മാങ്കൂട്ടത്തില് അധ്യക്ഷനായി തെരഞ്ഞെടുക്കപ്പെട്ട സംഘടനാ തിരഞ്ഞെടുപ്പില് 1,70,000 വോട്ടുകള് അബിന് വര്ക്കിക്ക് ലഭിച്ചിരുന്നു. സാമുദായിക സമവാക്യമാണ് അബിന് വര്ക്കിക്ക് തിരിച്ചടിയായതായി പറയപ്പെടുന്നത് .കെപിസിസി, കെഎസ് യു, മഹിളാ കോണ്ഗ്രസ് അധ്യക്ഷന്മാര് ന്യൂനപക്ഷ സമുദായത്തില് നിന്നാണ്.
ഗ്രൂപ്പ് — സമുദായിക സമവാക്യം, നിലവിലെ യൂത്ത് കോണ്ഗ്രസ് സംസ്ഥാന ഉപാധ്യക്ഷന്, എ ഗ്രൂപ്പ് നേതാവ് കെ സി വേണുഗോപാലുമായുള്ള അടുപ്പം എന്നിവ ഒ ജെ ജനീഷിന് അനുകൂല ഘടകങ്ങളുമായിരുന്നു. അബിന് വര്ക്കിക്കായി രമേശ് ചെന്നിത്തലയും കെ എം അഭിജിത്തിനായി എ ഗ്രൂപ്പും സജീവമായി രംഗത്തുണ്ടായിരുന്നു.ജനീഷിന് പുറമെ ബിനു ചുള്ളിയില്, അബിന് വര്ക്കി, കെ എം അഭിജിത്ത് എന്നിവരുടെ പേരായിരുന്നു അധ്യക്ഷസ്ഥാനത്തേക്ക് പരിഗണിക്കപ്പെട്ടിരുന്നത്. ഇതില് അബിന് വര്ക്കിയേയും അഭിജിത്തിനെയുമാണ് ദേശീയ സെക്രട്ടറിമാരായി ഉയര്ത്തിയത്.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.