സംസ്ഥാന സർക്കാർ വനിത ശിശു വികസന വകുപ്പിന്റെ ഉജ്ജ്വല ബാല്യം പുരസ്കാരം ലഭിച്ച നിറക്കൂട്ടുകളുടെ കുഞ്ഞു കൂട്ടുകാരൻ ജഹാൻ ജോബിയെ യുവകലാസാഹിതി ജില്ലാ കമ്മിറ്റിയുടെ ആഭിമുഖ്യത്തിൽ വീട്ടിലെത്തി അനുമോദിച്ചു. യുവകലാസാഹിതി സംസ്ഥാന രക്ഷാധികാരി ടി വി ബാലൻ ഉപഹാരം നൽകി. പി കെ ഗോപി, യുവകലാസാഹിതി സംസ്ഥാന സെക്രട്ടറി ഡോ. ഒ കെ മുരളീകൃഷ്ണൻ, ജില്ലാ സെക്രട്ടറി അഷ്റഫ് കുരുവട്ടൂർ, ടി എം സജീന്ദ്രൻ, ഡോ. വിദ്യ ജി എൻ, എ ഷാജു എന്നിവർ പങ്കെടുത്തു. കവിയിത്രി ഡോ. ആര്യ ഗോപിയുടേയും ജോബി ജോസഫിന്റേയും മകനാണ് ജഹാൻ ജോബി. ഏഴു വയസ്സുള്ള ജഹാൻ ജോബി ഇതിനകം ആയിരത്തിലേറെ ചിത്രങ്ങൾ വരയ്ക്കുകയും മൂന്ന് ചിത്രപ്രദർശനങ്ങൾ സംഘടിപ്പിക്കുകയും ചെയ്തിട്ടുണ്ട്. മലാപ്പറമ്പ് വേദവ്യാസ വിദ്യാലയത്തിലെ മൂന്നാം ക്ലാസുകാരനാണ് ജഹാൻ. സംസ്ഥാന സർക്കാറിന്റെ ബജറ്റിന്റെ പുറം ചട്ടയിലും ജഹാൻ വരച്ച ചിത്രം സ്ഥാനം നേടിയിരുന്നു.
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.