ഗുരുതരാവസ്ഥയിലുള്ള രോഗിയെ മെഡിക്കല് കോളേജിലേക്ക് മാറ്റാന് 108 ആംബുലന്സ് വിട്ടുനൽകാത്തതിനെ തുടര്ന്ന് രോഗിക്ക് ദാരുണാന്ത്യം. കൃത്യ സമയത്ത് ചികിത്സ കിട്ടാത്തതെയാണ് വെള്ളറട സ്വദേശിനി ആന്സി മരിച്ചത്. പ്ലേറ്റ്ലെറ്റ് അളവടക്കം കുറഞ്ഞ സ്ഥിതിയിലായിരുന്നു ആൻസി. ആശുപത്രിയിലേക്ക് മാറ്റാന് ഓക്സിജന് സൗകര്യമുള്ള ആംബുലന്സ് ആവശ്യമുള്ളതിനാലും സാമ്പത്തികമായി പിന്നോക്കമുള്ള രോഗിയായതിനാലുമാണ് 108നെ വിളിച്ചത്. എന്നാല് കുരിശുമല സ്പെഷ്യല് ഡ്യൂട്ടിക്ക് പോകാനുള്ളത് കൊണ്ട് ആംബുലന്സ് വിട്ടുതരാന് കഴിയില്ലെന്നാണ് 108 അധികൃതരുടെ മറുപടി.
അഞ്ച് കിലോമീറ്ററിനുള്ളില് ആംബുലന്സുണ്ടായിട്ടും സൗകര്യം ലഭ്യമായില്ലെന്ന് ബ്ലോക്ക് പഞ്ചായത്ത് അംഗം ആനി പറഞ്ഞു. ഒന്നര മണിക്കൂറിന് ശേഷം ഓക്സിജന് സൗകര്യം ഇല്ലാത്ത സ്വകാര്യ ആംബുലന്സിലാണ് രോഗിയെ കൊണ്ടുപോകാന് സാധിച്ചത്. എന്നാല് യാത്രക്കിടെ നെയ്യാറ്റിന്കരയിലെത്തിയപ്പോള് ആന്സി മരിക്കുകയായിരുന്നു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.