മഹാരാഷ്ട്രയിലെ മറാത്ത്‌വാഡ മേഖലയില്‍ മാത്രം കഴിഞ്ഞ വർഷം ആത്മഹത്യ ചെയ്തത് 1,088 കർഷകർ. മറാത്ത് വാഡ ഡിവിഷണല്‍ കമ്മിഷണര്‍ പുറത്തുവിട്ട റിപ്പോര്‍ട്ടിലാണ് ഇക്കാര്യം വെളിപ്പെടുത്തിയത്. ഇതില്‍ 269 മരണങ്ങളും സംസ്ഥാന കാര്‍ഷിക മന്ത്രിയായ ധനഞ്ജയ് മുണ്ടയുടെ ജില്ലയായ ബീഡില്‍ നിന്നാണ്. സംസ്ഥാനത്തെ എട്ട് ജില്ലകളടങ്ങുന്ന പ്രദേശമാണ് മറാത്ത്‌വാഡ മേഖല. ഛത്രപതി സാംബാജി നഗറില്‍ 182, നന്ദേഡില്‍ 175,ധാരാശിവില്‍ 171, പര്‍ഭാനിയില്‍ 103 കര്‍ഷക ആത്മഹത്യകളുമാണ് റിപ്പോര്‍ട്ട് ചെയ്തിരിക്കുന്നത്.
2022ല്‍ 1023 കര്‍ഷക ആത്മഹത്യകളായിരുന്നു റിപ്പോര്‍ട്ട് ചെയ്തിരുന്നത്. എന്നാല്‍ 2023 ആയപ്പോഴേക്കും ആത്മഹത്യകളുടെ എണ്ണത്തില്‍ വന്‍ വര്‍ധനവാണുണ്ടായത്. ദേശീയ ക്രൈം റെക്കോഡ്സ് ബ്യൂറോയുടെ കണക്കു പ്രകാരം 2014 ല്‍ നരേന്ദ്രമോഡി സര്‍ക്കാര്‍ അധികാരത്തില്‍ വന്നതിനുശേഷം രാജ്യത്ത് പ്രതിദിനം 30 കര്‍ഷകര്‍ ആത്മഹത്യ ചെയ്യുന്നുണ്ട്. കാര്‍ഷിക സബ്സിഡികള്‍ ചുരുക്കുക, പ്രധാന വ്യവസായങ്ങളുടെ സ്വകാര്യവല്‍ക്കരണം, വരുമാനത്തകര്‍ച്ച, വിളകളുടെ വിലക്കുറവു മൂലം വായ്പ തിരിച്ചടയ്ക്കാനാവാതിരിക്കുക തുടങ്ങിയവയാണ് ആത്മഹത്യകള്‍ക്ക് പിറകിലെ കാരണങ്ങളെന്നാണ് നിഗമനം.
English Summary: 1,088 farmer suicides in Marathwada last year
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.