അമേരിക്കയില്‍ നിയമവിരുദ്ധമായി കുടിയേറിയതിനെത്തുടര്‍ന്ന് പിടികൂടി പനാമയിലേക്ക് കൊണ്ടുപോയ 12 പെരെ നാട്ടിലെത്തിച്ചു. പനാമയില്‍ നിന്ന് ഇസ്താംബൂള്‍ ടര്‍ക്കിഷ് എയര്‍ലൈന്‍സ് വിമാനത്തില്‍ ഞായറാഴ്ച വൈകിട്ടാണ് ഡല്‍ഹിയിലെത്തിച്ചത്. ഇവരില്‍ നാല് പേര്‍ പഞ്ചാബില്‍ നിന്നും മൂന്നു പേര്‍ വീതം ഉത്തര്‍പ്രദേശ്, ഹരിയാനം എന്നിവിടങ്ങളില്‍ നിന്നുള്ളവരാണ്.
പഞ്ചാബ് സ്വദേശികളെ അമൃത്സറിലേക്ക് മറ്റൊരു വിമനത്തില്‍ അയച്ചു . ട്രംപ് അമേരിക്കയില്‍ അധികാരത്തില്‍ വന്നശേഷം ഈമാസം അഞ്ച്‌ മുതൽ മൂന്നു തവണയായി നിരവധി ഇന്ത്യക്കാരെ കൈ കാലുകൾ ബന്ധിച്ച് സൈനിക വിമാനങ്ങളിൽ അമൃത്സറിൽ എത്തിച്ചിരുന്നു. ഇതിന് പിന്നാലെ ഇന്ത്യക്കാരുള്‍പ്പെടെ 299 അനധികൃത കുടിയേറ്റക്കാരെ യുഎസ് പനാമയിലേക്ക് നാടുകടത്തി. ഇതിൽ ഉള്‍പ്പെട്ട ഇന്ത്യക്കാരുടെ ആദ്യ സംഘത്തെയാണ് ഇപ്പോൾ ഡൽഹിയിൽ എത്തിച്ചത്. അനധികൃത കുടിയേറ്റക്കാരെ കയറ്റി അയക്കുന്ന യുഎസ് നടപടിക്ക് കേന്ദ്രസർക്കാർ പിന്തുണ പ്രഖ്യാപിച്ചിട്ടുണ്ട്.
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.