ബലാത്സംഗം ചെയ്യപ്പെട്ട 12 വയസുകാരി രക്തം വാര്ന്ന നിലയില് ഉടുവസ്ത്രമില്ലാതെ റോഡിലൂടെ സഹായം തേടി അലയുന്ന ഞെട്ടിക്കുന്ന ദൃശ്യങ്ങള് പുറത്ത്. എന്നാല് ഒരാള് പോലും കുട്ടിയെ സഹായിക്കാൻ തയാറായില്ല. മധ്യപ്രദേശിലെ ഉജ്ജയിനിലാണ് മനസാക്ഷിയെ ഞെട്ടിക്കുന്ന സംഭവം നടന്നത്. ഒടുവില് സമീപവാസിയായ സന്യാസിയാണ് പെൺകുട്ടിയെ ആശുപത്രിയിൽ എത്തിച്ചത്.
വീടുകള് തോറും കയറിയിറങ്ങി പെണ്കുട്ടി സഹായത്തിനായി കേഴുന്ന ദൃശ്യം സിസിടിവി ക്യാമറകളില് പതിഞ്ഞു. പെണ്കുട്ടിയെ ആട്ടിയോടിക്കുന്നതും ദൃശ്യങ്ങളില് വ്യക്തമാണ്.
പെൺകുട്ടി ഒടുവിൽ ഒരു ആശ്രമത്തിലെത്തി. അവിടെയുള്ള സന്യാസി ധരിക്കാന് വസ്ത്രം നല്കി. അദ്ദേഹം ഉടനെ പെണ്കുട്ടിയെ ആശുപത്രിയില് എത്തിച്ചു. വൈദ്യപരിശോധനയിൽ പെണ്കുട്ടി ബലാത്സംഗം ചെയ്യപ്പെട്ടതായി സ്ഥിരീകരിച്ചു.
പരിക്ക് ഗുരുതരമായതിനാൽ പെൺകുട്ടിയെ ഇൻഡോറിലെ ആശുപത്രിയിലേക്ക് മാറ്റി. പോക്സോ നിയമ പ്രകാരം കേസ് രജിസ്റ്റര് ചെയ്ത് പൊലീസ് അന്വേഷണം ആരംഭിച്ചു. പ്രതികളെ എത്രയും വേഗം കണ്ടെത്താന് പ്രത്യേക സംഘം രൂപീകരിച്ചിട്ടുണ്ടെന്ന് ഉജ്ജയിൻ പൊലീസ് മേധാവി സച്ചിൻ ശർമ പറഞ്ഞു.
English Summary: Shocking: 12-year-old girl raped in Ujjain, goes door-to-door seeking help
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.