കശ്മീരില്‍ സുരക്ഷാ സേന രണ്ട് ഭീകരരെ വധിച്ചു

ജമ്മു കശ്മീരിലെ റെയ്‌നാവാരി മേഖലയിൽ സുരക്ഷാ സേനയുമായുണ്ടായ ഏറ്റുമുട്ടലിൽ രണ്ട് ലഷ്‌കർ-ഇ‑തൊയ്ബ ഭീകരർ കൊല്ലപ്പെട്ടതായി പൊലീസ് അറിയിച്ചു.
ഇന്നലെ രാത്രിയോടെയാണ് മേഖലയില്‍ ഏറ്റുമുട്ടലുണ്ടായത്.

ഭീകരരിൽ ഒരാൾ മാധ്യമപ്രവര്‍ത്തകനെന്ന് തെറ്റിദ്ധരിപ്പിക്കുന്ന തരത്തില്‍ പ്രസ് കാർഡ് കൈവശം വച്ചിരുന്നതായി കശ്മീർ സോൺ പൊലീസ് ഇൻസ്പെക്ടർ ജനറൽ വിജയ് കുമാർ പറഞ്ഞു. ഇത് മാധ്യമരംഗത്തെ ദുരുപയോഗം ചെയ്യുന്നതിന്റെ പ്രധാന തെളിവാണെന്നും കുമാര്‍ വ്യക്തമാക്കി.

കൊല്ലപ്പെട്ട ഭീകരൻ റയീസ് അഹമ്മദ് ഭട്ട് അജ്ഞാത വാർത്താ ഏജൻസിയായ വാലി മീഡിയ സർവീസിന്റെ എഡിറ്റർ ഇൻ ചീഫ് ആയിരുന്നുവെന്നാണ് കാർഡിൽ പറയുന്നത്.

eng­lish summary;2 Lashkar Ter­ror­ists Killed In J&K

you may also like this video;