പ്രിയപ്പെട്ട താരങ്ങൾ കരിയർ അവസാനിപ്പിക്കുന്നതും കളമൊഴിയുന്നതും കായിക പ്രേമികൾക്ക് എന്നും വേദനയുണ്ടാക്കുന്നതാണ്. അത്തരത്തിൽ ഒരു കളമൊഴിയലാണ് ഇപ്പോൾ കായികലോകത്ത് ചർച്ച. ഡബിൾസിൽ മുൻ ലോക ഒന്നാം നമ്പർ താരം കൂടിയായ രോഹൻ ബൊപ്പണ്ണ രണ്ട് പതിറ്റാണ്ട് നീണ്ട തന്റെ കരിയറിന് പുൾസ്റ്റോപ്പിടാനൊരുങ്ങുകയാണ്. അദ്ദേഹം വിരമിക്കല്‍ പ്രഖ്യാപിച്ചു കഴിഞ്ഞു. രണ്ട് ഗ്രാന്‍സ്ലാം ഡബിള്‍സ് കിരീടങ്ങള്‍ നേടിയിട്ടുള്ള രോഹന്‍ ബൊപ്പണ്ണ 45-ാം വയസിലാണ് വിരമിക്കാൻ തയ്യാറെടുക്കുന്നത്.

ബൊപ്പണ്ണയുടെ അവസാന മത്സരം ഈ വര്‍ഷം ആദ്യം പാരീസ് മാസ്റ്റേഴ്സില്‍ അലക്സാണ്ടര്‍ ബുബ്ലിക്കിനൊപ്പം പാരീസ് മാസ്റ്റേഴ്‌സ് 1000 ആയിരുന്നു. ഒടുവിൽ ഇരുവരും റൗണ്ട് ഓഫ് 32 മത്സരത്തിൽ പരാജയപ്പെട്ടു, ജോൺ പിയേഴ്‌സിനോടും ജെയിംസ് ട്രേസിയോടും 5–7, 6–2, 10–8 എന്ന സ്കോറിന് പരാജയപ്പെട്ടു. മൂന്ന് ഒളിംപിക്സുകളിൽ ഇന്ത്യക്കായി മത്സരിച്ചയാളാണ് ബൊപ്പണ്ണ. 2017 ലെ ഫ്രഞ്ച് ഓപ്പണിൽ ഗബ്രിയേല ഡാബ്രോവ്‌സ്‌കിക്കൊപ്പം മിക്സഡ് ഡബിൾസ് കിരീടം നേടി. 2024 ൽ മാത്യു എബ്ഡനുമായി ചേർന്ന് ഓസ്‌ട്രേലിയൻ ഓപ്പൺ കിരീടം നേടി ചരിത്രം സൃഷ്ടിച്ചു. 2002 മുതൽ 2023 വരെ ഇന്ത്യയുടെ ഡേവിസ് കപ്പ് ടീം അംഗമായിരുന്നു. വിരമിക്കലിനെ കുറിച്ച് അറിയിച്ചുകൊണ്ട് വൈകാരികമായ കുറിപ്പാണ് അദ്ദേഹം പങ്കുവച്ചത്.

“ഒരു വിട… പക്ഷേ അവസാനമല്ല. നിങ്ങളുടെ ജീവിതത്തിന് അർത്ഥം നൽകിയ ഒന്നിനോട് നിങ്ങൾ എങ്ങനെയാണ് വിടപറയുന്നത്? എന്നിരുന്നാലും, മറക്കാനാവാത്ത 20 വർഷത്തെ ടൂറിന് ശേഷം, സമയമായി… ഞാൻ ഔദ്യോഗികമായി എന്റെ റാക്കറ്റ് തൂക്കിയിടുകയാണ്.
“ഇതെഴുതുമ്പോൾ എന്റെ ഹൃദയം ഭാരമേറിയതും കൃതജ്ഞതയുള്ളതുമായി തോന്നുന്നു. ഇന്ത്യയിലെ കൂർഗ് എന്ന ചെറിയ പട്ടണത്തിൽ നിന്ന് യാത്ര ആരംഭിച്ച്, എന്റെ സെർവ് ശക്തിപ്പെടുത്താൻ വിറകുകീറുന്ന കട്ടകൾ മുറിച്ചുകൊണ്ട്, സ്റ്റാമിന വർദ്ധിപ്പിക്കാൻ കോഫി എസ്റ്റേറ്റുകളിലൂടെ ജോഗിംഗ് ചെയ്ത്, തകർന്ന കോർട്ടുകളിൽ സ്വപ്നങ്ങളെ പിന്തുടരുന്നത് വരെ ലോകത്തിലെ ഏറ്റവും വലിയ സ്റ്റേഡിയങ്ങളുടെ വെളിച്ചത്തിന് കീഴിൽ നിൽക്കുന്നത് വരെ — ഇതെല്ലാം അവിശ്വസനീയമായി തോന്നുന്നു. “ടെന്നീസ് എനിക്ക് വെറുമൊരു കളിയായിരുന്നില്ല — ഞാൻ തോറ്റപ്പോൾ എനിക്ക് ലക്ഷ്യബോധവും, തകർന്നപ്പോൾ ശക്തിയും, ലോകം എന്നെ സംശയിച്ചപ്പോൾ വിശ്വാസവും നൽകി. അദ്ദേഹം എക്സിൽ കുറിച്ചു.