5ജി ലേലം: 16 റൗണ്ട് പൂര്‍ത്തിയായി

5ജി സ്പെക്ട്രം ലേലത്തിന്റെ മൂന്നാം ദിവസവും പൂര്‍ത്തിയായി. നടപടികള്‍ ഇന്നും തുടരും. 16 റൗണ്ടുകളിലായി ഇതുവരെ 1,49,623 കോടിയുടെ വില്പനയാണ് നടന്നത്.

ലേലത്തിന്റെ ആദ്യദിനമായ ചൊവ്വാഴ്ച 1.45 ലക്ഷം കോടിയുടെ വില്പന നടന്നു. രണ്ടാം ദിനം ഇത് 1.49 ലക്ഷം കോടിയായി ഉയര്‍ന്നു. രണ്ടാം ദിവസമായ ബുധനാഴ്ച ലേലം പൂർത്തിയാകുമെന്നാണ് നേരത്തെ പ്രതീക്ഷിച്ചിരുന്നത്.

റിലയന്‍സ് ജിയോ, വോഡാഫോണ്‍ ഐഡിയ, ഭാരതി എയര്‍ടെല്‍, അഡാനി ഗ്രൂപ്പ് തുടങ്ങിയ കമ്പനികളാണ് ലേലത്തില്‍ പങ്കെടുക്കുന്നത്.

2016 ലും 2021 ലും നടന്ന അവസാന രണ്ട് ലേലങ്ങളിലും ആവശ്യക്കാരില്ലാതിരുന്ന 700 മെഗാഹെര്‍ട്സ് ബാന്‍ഡിന് ഇത്തവണ ലഭിച്ച മികച്ച പ്രതികരണത്തില്‍ കേന്ദ്ര ടെലികോം മന്ത്രി അശ്വനി വൈഷ്ണവ് സന്തോഷം പ്രകടിപ്പിച്ചു.

Eng­lish summary;5G auc­tion: 16 rounds completed

You may also like this video;