ഐഎസ്ആര്ഒയുടെ റോക്കറ്റ് വിക്ഷേപണത്തിന്റെ അറുപതാം വാർഷികാഘോഷ പരിപാടികൾ വിക്രം സാരാഭായ് സ്പെയ്സ് സെന്ററിൽ സംഘടിപ്പിച്ചു. കേന്ദ്ര ബഹിരാകാശ ശാസ്ത്ര സാങ്കേതിക സഹമന്ത്രി ഡോ. ജിതേന്ദ്ര സിങ് ഉദ്ഘാടനം നിര്വഹിച്ചു. ബഹിരാകാശ രംഗത്ത് ഇന്ത്യയുടെ പ്രതീക്ഷകളും സ്വപ്നങ്ങളും യാഥാർത്ഥ്യമാക്കുന്നതിൽ വിഎസ്എസ്സി നിർണായക പങ്കു വഹിച്ചതായി ജിതേന്ദ്ര സിങ് പറഞ്ഞു.
ഐഎസ്ആര്ഒ ചെയർമാൻ എസ് സോമനാഥ് ചടങ്ങിൽ അധ്യക്ഷത വഹിച്ചു. കേന്ദ്ര സഹമന്ത്രി വി മുരളീധരന്, വിഎസ്എസ്സി ഡയറക്ടർ ഡോ. എസ് ഉണ്ണികൃഷ്ണൻ നായർ, ഐഐഎസ്ടി ചാൻസലർ ഡോ. ബി എൻ സുരേഷ്, എൽപിഎസ്സി ഡയറക്ടർ ഡോ. വി നാരായണൻ, സതീഷ് ധവാൻ സ്പേസ് സെന്റർ ഡയറക്ടർ എ രാജരാജൻ, ഐഐഎസ്യു ഡയറക്ടർ പദ്മകുമാർ, ഐപിആർസി ഡയറക്ടർ ജെ അസിർ പക്കിയരാജ്, എസ്പിഎൽ മുൻ ഡയറക്ടർ പ്രൊഫ. ആർ ശശിധരൻ, ഐഎസ്ആർഒ മുൻ മേധാവിമാർ, വിഎസ്എസ്സിയിലെ മുൻകാല ജീവനക്കാർ, സ്കൂൾ വിദ്യാർത്ഥികൾ എന്നിവര് ചടങ്ങിൽ പങ്കെടുത്തു.
വജ്ര ജൂബിലി ആഘോഷങ്ങളുടെ ഭാഗമായി വിപുലമായ പരിപാടികളാണ് വിഎസ്എസ്സിയുടെ നേതൃത്വത്തിൽ നടന്നത്. ആദ്യ വിക്ഷേപണത്തിന്റെ സ്മരണയ്ക്കായി ആര്എച്ച് 200 റോക്കറ്റ് ലോഞ്ച് ബഹിരാകാശ സാങ്കേതിക വിദ്യാ പ്രദർശനവും തിരുവനന്തപുരം വിക്രം സാരാഭായ് സ്പെയ്സ് സെന്ററിൽ സംഘടിപ്പിച്ചു.
English Summary: 60th anniversary of rocket launch from Thumba
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.