മലബാര് ദേവസ്വം ബോര്ഡിന് കീഴിലുള്ള ക്ഷേത്രങ്ങളിലെ സ്ഥിരം ജീവനക്കാര്ക്ക് 2025 ലെ ഉത്സവബത്തയായി 7,000 രൂപ അനുവദിക്കും. താല്ക്കാലിക ജീവനക്കാര്ക്ക് പരമാവധി 3,500 രൂപയും അനുവദിക്കും. ഉത്സവബത്ത നല്കാന് മതിയായ വരുമാനം ഇല്ലാത്ത ഗ്രേഡ് മൂന്ന്, ഗ്രേഡ് നാല് ക്ഷേത്രങ്ങളിലെ ജീവനക്കാര്ക്ക് കൂടി ആനുകൂല്യം ലഭ്യമാക്കാനാണ് തീരുമാനം. ക്ഷേത്ര ജീവനക്കാര്ക്ക് മലബാര് ദേവസ്വം മാനേജ്മെന്റ് ഫണ്ടില്നിന്ന് അനുവദിക്കാന് ബാക്കിയുള്ള ശമ്പളം പരമാവധി കൊടുത്തുതീര്ക്കാന് ഗ്രാന്റ്-ഇന്-എയ്ഡില് രണ്ടാം ഗഡുവായി 5,22,93,600 രൂപ സര്ക്കാര് നേരത്തെ അനുവദിച്ചിരുന്നു. ശമ്പള കുടിശ്ശികക്ക് പുറമെ ഉത്സവബത്ത അനുവദിക്കാന് ദേവസ്വം ബോര്ഡിന്റെ പ്രത്യേക യോഗം ചേര്ന്നാണ് തനത് ഫണ്ടില്നിന്ന് അഞ്ചു കോടി രൂപ കൂടി അനുവദിച്ചത്.
മലബാര് ദേവസ്വം ബോര്ഡ് മിനിസ്റ്റീരിയല് ജീവനക്കാരുടെ ഡി എ സര്ക്കാര് ജീവനക്കാരുടേതിന് സമാനമായി 15 ശതമാനത്തില്നിന്ന് 18 ശതമാനം ആയി വര്ധിപ്പിക്കാനും യോഗത്തില് തീരുമാനമായി. ഒന്ന് മുതല് നാല് വരെ ഗ്രേഡുകളിലുള്ള ക്ഷേത്രങ്ങളിലെ ജീവനക്കാരുടെ ഡി.എ 19 ശതമാനത്തില്നിന്ന് 23 ആയും ഉയര്ത്തി. സൂപ്പര് ഗ്രേഡ് ക്ഷേത്രങ്ങളിലെ ജീവനക്കാര്ക്കുളള ഡി.എയും ഇതേ നിരക്കില് വര്ധിപ്പിച്ചിട്ടുണ്ട്. മലബാര് ദേവസ്വം ബോര്ഡില്നിന്ന് വിരമിച്ച ക്ഷേത്ര ജീവനക്കാര്ക്കും എക്സിക്യൂട്ടീവ് ഓഫീസര്മാര്ക്കുമുള്ള ഉത്സവബത്ത 1,500ല്നിന്ന് 1,750 രൂപയായി വര്ധിപ്പിക്കാനും യോഗത്തില് തീരുമാനയി.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.