ഉംറ കഴിഞ്ഞ് മടങ്ങിയ ആളെ വിമാനത്താവളത്തില് സ്വീകരിച്ച് മടങ്ങിയ കുടുംബം സഞ്ചരിച്ച കാര് ടൂറിസ്റ്റ് ബസ്സിന് പിന്നിലിടിച്ച് എട്ട് പേര്ക്ക് പരിക്ക്. കോഴിക്കോട് രാമനാട്ടുകരയിലാണ് അപകടമുണ്ടായത്. നിര്ത്തിയിട്ട് ടൂറിസ്റ്റ് ബസ്സിന് പിറകില് കാറിടിച്ച് അപകടമുണ്ടായത്. പരിക്കേറ്റവരില് മൂന്ന് കുട്ടികളുമുണ്ട്. കുട്ടികളുള്പ്പെടെ എട്ടുപേര്ക്കാണ് അപകടത്തില് പരിക്കേറ്റത്.
കാക്കൂര് കാവടിക്കല് സ്വദേശികളായ സൈനബ(55), ജമീല(50), നജ ഫാത്തിമ(21), ലാമിയ(18), നൈദ(4), അമീര്(5), റവാഹ്(8), സിനാന്(20) എന്നിവര്ക്കാണ് പരിക്കേറ്റത്. ഇടിയുടെ ആഘാതത്തില് കാറിന്റെ മുന്ഭാഗം പൂര്ണമായും തകര്ന്നു. ഉംറ കഴിഞ്ഞെത്തിയ ബന്ധുവിനെ കരിപ്പൂര് വിമാനത്താവളത്തില് നിന്നും കൂട്ടിക്കൊണ്ടുവരാന് എത്തിയതായിരുന്നു കുടുംബം. റോഡരികില് നിര്ത്തിയിട്ട് ബസ്സ്, കാര് ഡ്രൈവര് കാണാതിരുന്നതാണ് അപകടത്തിന് ഇടയാക്കിയതെന്നാണ് ലഭിക്കുന്ന വിവരം.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.