രാത്രി വൈകി ഭക്ഷണം അന്വേഷിച്ച് എത്തിയ അന്യസംസ്ഥാന തൊളിലാളിയെ നാലംഗസംഘം കൊലപ്പെടുത്തി. മോഷ്ടാവെന്ന് ആരോപിച്ചാണ് ഇയാളെ സംഘം തല്ലിചതച്ചത്. ഒഡീഷ സ്വദേശിയായ രാജേഷാ(32)ണ് കൊല്ലപ്പെട്ടത്. ഹൈദരാബാദിലെ ഇസ്സത് നഗറിലുള്ള മദപൂറില്‍ കുടുംബത്തോടൊപ്പം താമസിക്കുകയായിരുന്നു രാജേഷ്.
ജോലി കഴിഞ്ഞ് മടങ്ങി എത്തിയ രാജേഷ് കുട്ടികള്‍ക്ക് വേണ്ടി ഭക്ഷണം അന്വേഷിച്ചാണ് കെപിഎച്ച്ബിയിലുള്ള ബിരിയാണി റെസ്റ്റോറന്റില്‍ എത്തുന്നത്. വീട്ടിലേക്ക് കൊണ്ടുപോകാന്‍ എന്തെങ്കിലും ഭക്ഷണം ലഭിക്കുമെന്ന് കരുതിയ രാജേഷ് റസ്റ്റോറന്റിന്റെ ബേസ്മെന്റില്‍ എത്തിയത്. എന്നാല്‍ മാനേജര്‍ ഉള്‍പ്പെടെയുള്ളവര്‍ ബേസ്മെന്റില്‍ മദ്യപാനവും ജന്മദിനാഘോഷങ്ങളും നടത്തുകയായിരുന്നു.
അധികം വന്ന ഭക്ഷണം ആവിശ്യപ്പെട്ട രാജേഷിനെ മോഷ്ടാവെന്ന് ആരോപിച്ച് സംഘം മര്‍ദ്ദിക്കാന്‍ തുടങ്ങിയത്. പിന്നീട് അബോധാവസ്തയിലായ അയാളെ അവിടെ ഉപേക്ഷിച്ച് പോവുകയും ചെയ്തു. തൊട്ടടുത്ത ദിവസവും ഇതേ സ്ഥലത്ത് ബോധരഹിതനായി കിടക്കുന്ന രാജേഷിനെ കണ്ടവര്‍ ഇയാളുടെ ഭാര്യയെ വിളിച്ച് വരുത്തി വീട്ടിലേക്ക് കൊണ്ടുപോയത്. രാജേഷിനെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. സംഭവത്തില്‍ കേസെടുത്ത് പൊലീസ് അന്വേഷണം ആരംഭിച്ചു. നാല് പേര്‍ കേസില്‍ അറസ്റ്റിലായതായി സൂചനയുണ്ട്.
ENGLISH SUMMARY:Came late at night to buy food; The young man was beaten to death
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.