ഒമിക്രോണ്‍ വകഭേദത്തിന്റെ തീവ്രവ്യാപനശേഷിയെ തുടര്‍ന്ന് കോവിഡ് കേസുകള്‍ ഉയരുമെന്നും ബൂസ്റ്റര്‍ ഡോസ് ഉപയോഗിച്ച് സംരക്ഷണം ഉറപ്പാക്കണമെന്നും ലോകാരോഗ്യസംഘടനയുടെ യൂറോപ്യന്‍ വിഭാഗം മേധാവി ഡോ. ഹാൻസ് ഹെൻറി ക്ലുഗെ പറഞ്ഞു. മറ്റൊരു കോവിഡ് വ്യാപനം അടുത്തുവരുന്നത് കാണാൻ കഴിയുന്നുണ്ട്. ആഴ്ചകൾക്കുള്ളിൽ യൂറോപ്യൻ മേഖലയിലെ കൂടുതൽ രാജ്യങ്ങളിൽ ഒമിക്രോൺ ആധിപത്യം സ്ഥാപിക്കും. ആരോഗ്യമേഖല കൂടുതൽ പ്രതിസന്ധിയിലാകും, അദ്ദേഹം പറഞ്ഞു.
ഒമിക്രോൺ വ്യാപനം ആരംഭിച്ചശേഷം യൂറോപ്യൻ മേഖലയിലെ 53 രാജ്യങ്ങളിൽ 38 എണ്ണത്തിലും ഒമിക്രോൺ സ്ഥിരീകരിച്ചു. യുകെ, ഡെന്മാര്‍ക്ക്, പോർച്ചുഗൽ ഉൾപ്പെടെയുള്ള രാജ്യങ്ങളിൽ കേസുകൾക്ക് ഗണ്യമായ വർധനയും ഉള്ളതായി വിയന്നയിൽ നടത്തിയ വാർത്താസമ്മേളനത്തിൽ കുഗ്ലെ പറഞ്ഞു. ലോകാരോഗ്യ സംഘടനയുടെ കണക്ക് പ്രകാരം ജനസംഖ്യയുമായി താരതമ്യപ്പെടുത്തുമ്പോൾ ഏറ്റവും കൂടുതൽ കോവിഡ് കേസുകൾ യൂറോപ്യന്‍ മേഖലയിലാണ്. ഒമിക്രോണ്‍ വ്യാപനത്തിനു മുൻപുതന്നെ, മാർച്ച് മാസത്തോടെ 7,00,000 കോവിഡ് മരണങ്ങൾ ഉണ്ടാകുമെന്ന് അധികൃതർ മുന്നറിയിപ്പ് നൽകിയിരുന്നു. ‘ബൂസ്റ്റ്, ബൂസ്റ്റ്, ബൂസ്റ്റ്’ ബൂസ്റ്റർ വാക്സിൻ സ്വീകരിക്കുക മാത്രമാണ് വ്യാപനം നിയന്ത്രിക്കുന്നതിനുള്ള ഏക പോംവഴിയെന്ന് കുഗ്ലെ വാർത്താസമ്മേളനത്തിൽ ആഹ്വാനം ചെയ്തു.
ENGLISH SUMMARY:Booster dose mandatory; World Health Organization warns Europe
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.