ഉത്തര്‍പ്രദേശില്‍ തെരഞ്ഞെടുപ്പ് നടക്കുന്നതിനിടെ വിദ്വേഷ പ്രസംഗവുമായി മറ്റൊരു ബിജെപി എംഎല്‍എ കൂടി. മുസ്‌ലിംകള്‍ക്കെതിരേ കടുത്ത വിദ്വേഷ പ്രസംഗവുമായാണ് അമേത്തിയില്‍ നിന്നുള്ള ബിജെപി എംഎല്‍എ മായങ്കേശ്വര്‍ സിങ്ങ് രംഗത്ത് വന്നിരിക്കുന്നത്. ഹിന്ദുക്കള്‍ ഉണര്‍ന്നാല്‍ മുസ്‌ലിംകളുടെ താടി പിഴുതുമാറ്റി കുടുമ വയ്പ്പിക്കുമെന്ന് മായങ്കേശ്വര്‍ സിങ് പ്രസംഗത്തില്‍ വിളിച്ചുപറഞ്ഞു. മുസ്‌ലിംകള്‍ക്കെതിരായ ബിജെപി എംഎല്‍എയുടെ പ്രസംഗം ‘ജയ് ശ്രീരാം’ വിളിച്ചാണ് അണികള്‍ സ്വാഗതം ചെയ്തത്. മുസ്‌ലിംകള്‍ക്ക് ഇന്ത്യയില്‍ ജീവിക്കണമെങ്കില്‍ ഹിന്ദു മന്ത്രമായ ‘രാധേ രാധേ’ പാരായണം ചെയ്യേണ്ടി വരുമെന്നും സിങ് പറഞ്ഞു. ബിജെപി എംഎല്‍എയുടെ വിദ്വേഷ പ്രസംഗം സാമൂഹിക മാധ്യമങ്ങളില്‍ വ്യാപകമായി പ്രചരിക്കുന്നുണ്ട്. ഹിന്ദുത്വ സന്യാസിമാരുടെ സമ്മേളനത്തിലെ വംശഹത്യാ ആഹ്വാനവും കര്‍ണാടകയിലെ ഹിജാബ് നിരോധനവും വിവാദമായിരിക്കുന്ന സാഹചര്യത്തിലാണ് ബിജെപി എംഎല്‍എയുടെ പ്രസംഗം.
രണ്ട് ദിവസം മുമ്പാണ് യുപിയിലെ മറ്റൊരു ബിജെപി എംഎല്‍എയായ രാഘവേന്ദ്ര സിങ് മുസ്ലിം വിരുദ്ധ പരാമര്‍ശങ്ങള്‍ നടത്തിയത്.
താന്‍ വീണ്ടും തെരഞ്ഞെടുക്കപ്പെട്ടാല്‍ മുസ്‌ലിങ്ങളുടെ തൊപ്പി മാറ്റി, തിലകക്കുറി വയ്പ്പിക്കുമെന്നായിരുന്നു രാഘവേന്ദ്ര സിങ്ങിന്റെ പ്രസ്താവന.
English Summary: Hindus wake up, pull out beard of Muslims: Another MLA in UP with hate speech
You may like this video also
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.