ഹിജാബ് നിരോധനത്തിൽ വിദ്യാഭ്യാസ സ്ഥാപനങ്ങളും പൊലീസും നടപടി കടുപ്പിക്കുമ്പോഴും കര്‍ണാടകയില്‍ പ്രതിഷേധം ശക്തമായി തുടരുന്നു. ദക്ഷിണ കന്നഡയിൽ സ്‌കൂൾ, കോളജ് പരിസരത്ത്‌ നിരോധനാജ്ഞ 26വരെ നീട്ടി.
ശിവമോഗ ഷിരലകൊപ്പ പ്രീയൂണിവേഴ്‌സിറ്റി കോളജിൽ ഹിജാബ് ധരിച്ചെത്തിയ 58 വിദ്യാർത്ഥിനികളെ സസ്‌പെൻഡ്‌ ചെയ്‌തു. യെദഗീർ, ബെല്ലാരി, ബെലഗാവി, ചിത്രദുർഗ എന്നിവിടങ്ങളിലെല്ലാം ശനിയാഴ്‌ചയും വിദ്യാർത്ഥികളെ തടഞ്ഞത് സംഘര്‍ഷാവസ്ഥ സൃഷ്ടിച്ചു.
ബെലഗവി വിജ്‌ പാര മെഡിക്കൽ കോളജ് അനിശ്ചിതകാലത്തേക്ക്‌ അടച്ചിട്ടു. ധാവൺഗരെ ഹരിഹര എസ്‌ജെവിപി കോളജിൽ വിദ്യാർത്ഥികൾ ക്ലാസ് ബഹിഷ്‌കരിച്ചു. കുടകിലും വിദ്യാർത്ഥി പ്രതിഷേധം ശക്തമാക്കി. നിരോധനാജ്ഞ ലംഘിച്ച്‌ പ്രതിഷേധം നടത്തിയെന്നാരോപിച്ച്‌ തുംകൂറിൽ എംപ്രസ്‌ കോളേജിലെ 15 വിദ്യാർത്ഥികൾക്കെതിരെ പൊലീസ്‌ കേസെടുത്തു.
ഹിജാബ് വിലക്കില്‍ ഹൈക്കോടതിയിൽ വാദം നീണ്ടുപോകുന്നതിനിടെയാണ് സംസ്ഥാനത്ത്‌ സ്ഥിതി പ്രക്ഷുബ്‌ദമായി തുടരുന്നത്. ഹൈക്കോടതിയുടെ ഇടക്കാല ഉത്തരവ്‌ അനുസരിക്കാതെ ഹിജാബ് ധരിച്ചെത്തി പ്രതിഷേധിക്കുന്നവർക്കെതിരെ കർശന നടപടി എടുക്കുമെന്ന്‌ ആഭ്യന്തരമന്ത്രി അറഗ ജ്ഞാനേന്ദ്ര പ്രതികരിച്ചു.
english summary;Hijab; Protests are strong in Karnataka
you may also like this video;
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.