രഞ്ജി ട്രോഫിയില്‍ കേരളത്തിന് തിരിച്ചടി. ഫാസ്റ്റ് ബൗളർ ശ്രീശാന്തിന് 2022 രഞ്ജി ട്രോഫിയിൽ കേരളത്തിന്റെ ശേഷിക്കുന്ന മത്സരങ്ങൾ നഷ്ടമാകുമെന്ന് റിപ്പോര്‍ട്ട്. മേഘാലയയ്‌ക്കെതിരായ രഞ്ജിയിലെ ആദ്യ മത്സരത്തിൽ ശ്രീശാന്ത് കളിച്ചിരുന്നു. അന്ന് രണ്ട് വിക്കറ്റും താരം നേടി. പിന്നീട് പരിശീലന സെഷനിൽ ശ്രീശാന്തിന് പരിക്കേല്‍ക്കുകയായിരുന്നു.
തനിക്ക് നടക്കാനാകുന്നില്ലെന്നും പരിക്ക് സാരമുള്ളതാണെന്നും ശ്രീശാന്ത് ഔദ്യോഗിക ട്വിറ്റർ അക്കൗണ്ട് വഴി അറിയിച്ചു.. ഇതോടെ കേരളത്തിന്റെ രണ്ടാം ഗ്രൂപ്പ് മത്സരത്തില്‍ ശ്രീ ഉണ്ടാകില്ല എന്ന് ഉറപ്പായി. നീണ്ട കാലയളവിന് ശേഷം ടീമില്‍ തിരിച്ചെത്തിയ ശ്രീശാന്തിന് ഇത് വമ്പൻ തിരിച്ചടിയാണ്. ഐപില്ലിലെ മെഗാതാരലേലത്തില്‍ അടിസ്ഥാനവില 50 ലക്ഷമുള്ള ശ്രീയെ ഒരു ഫ്രാഞ്ചൈസിയും പരിഗണിച്ചില്ല. ഇതോടെ രഞ്ജിയിലൂടെ മികച്ച തിരിച്ചുവരവിന് ശ്രമിക്കുമ്പോഴാണ് ശ്രീശാന്തിന് പരിക്ക് വില്ലനായെത്തുന്നത്.
English Summary: Sreesanth again met with an accident
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.