അധികസമയത്തെ രണ്ട് സുന്ദരഗോളിൽ കരുത്തരായ കെഎസ്ഇബിയെ വീഴ്ത്തി ഗോൾഡൻ ത്രെഡ്സ് രാംകോ കേരള പ്രീമിയർ ലീഗ് ചാമ്പ്യൻമാരായി. ആദ്യ ഫൈനലിന് ഇറങ്ങിയ ത്രെഡ്സിന്റെ കന്നിക്കിരീടമാണ്. കോഴിക്കോട് കോർപറേഷൻ സ്റ്റേഡിയത്തിൽ നടന്ന ഫൈനലിൽ ക്യാപ്റ്റൻ അജയ് അലക്സിന്റെയും (109), ഇസ്ഹാഖ് നുഹു സെയ്ദുവിന്റെയും (120) ഗോളുകളിലാണ് കൊച്ചി ആസ്ഥാനമായ ഗോൾഡൻ ത്രെഡ്സ് കിരീടം ചൂടിയത്.
നിശ്ചിതസമയം ഇരുടീമുകളും ഗോളടിക്കാതെ പിരിഞ്ഞപ്പോഴാണ് മത്സരം അധികസമയത്തേക്ക് നീണ്ടത്. കെപിഎൽ വരുന്നതിന് മുമ്പ് 2012ൽ സംസ്ഥാന ക്ലബ്ബ് ചാമ്പ്യൻമാരായിരുന്നു ത്രെഡ്സ്. നിലവിലെ റണ്ണറപ്പുകളായ കെഎസ്ഇബി രണ്ടാം കിരീടം ലക്ഷ്യമിട്ടായിരുന്നു എത്തിയത്. ഗ്രൂപ്പ് ഘട്ടത്തിൽ ഇരുടീമുകളും നേർക്കുനേർ വന്നപ്പോൾ കെഎസ്ഇബിക്കായിരുന്നു ജയം. ചരിത്രത്തിലാദ്യമായി 22 ടീമുകളാണ് ലീഗിൽ മത്സരിച്ചത്. ആകെ 113 കളികൾ. 12 ഗോളുമായി ത്രെഡ്സിന്റെ ഘാന സ്ട്രൈക്കര്‍ നുഹു സെയ്ദ് ഗോൾഡൻ ബൂട്ടിന് അർഹനായി. അജയ് അലക്സ് ഫൈനലിലെ താരമായി.
English Summary:Kerala Premier League: Golden Threads Champions; They defeated KSEB by two goals
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.