ജാർഖണ്ഡിലെ ദിയോഘർ ജില്ലയിൽ അടുത്തിടെയുണ്ടായ കേബിൾ കാർ ദുരന്തത്തിൽ മരിച്ചവരുടെ ബന്ധുക്കൾക്ക് 25 ലക്ഷം രൂപ വീതം നഷ്ടപരിഹാരം നൽകുമെന്ന് ദാമോദർ റോപ്‌വേസും ഇൻഫ്രാ ലിമിറ്റഡും ശനിയാഴ്ച അറിയിച്ചു. ക്ഷേത്രനഗരമായ ബൈദ്യനാഥ് ധാമിൽ നിന്ന് 20 കിലോമീറ്റർ അകലെയുള്ള ത്രികുട്ട് ഹിൽസിലെ റോപ്പ് വേ അപകടത്തിൽ മൂന്ന് പേരാണ് മരിച്ചത്. ഏപ്രിൽ 10 നാണ് അപകടം നടന്നത്.
റോപ്പ്‌വേ തകരാർ മൂലമാണ് അപകടമുണ്ടായത്. റോപ് വേയില്‍ കുടുങ്ങിയ 60 വിനോദസഞ്ചാരികളെയും 46 മണിക്കൂർ നീണ്ട രക്ഷാപ്രവർത്തനത്തിലൂടെയാണ് പുറത്തെടുത്തത്. ഇന്ത്യൻ എയർഫോഴ്‌സ്, ആർമി, ഇൻഡോടിബറ്റൻ ബോർഡർ പോലീസ്, നാഷണൽ ഡിസാസ്റ്റർ റെസ്‌പോൺസ് ഫോഴ്‌സ്, ജില്ലാ ഭരണകൂടം എന്നിവരടങ്ങുന്ന സംയുക്ത സംഘമാണ് രക്ഷാപ്രവർത്തനം നടത്തിയത്.
അപകടത്തിൽ മരിച്ചവരുടെ കുടുംബാംഗങ്ങൾക്ക് മാനുഷിക പരിഗണനയുടെ അടിസ്ഥാനത്തിൽ 25 ലക്ഷം രൂപ വീതം നഷ്ടപരിഹാരം നൽകാൻ കമ്പനി തീരുമാനിച്ചിട്ടുണ്ട്.
റോപ്‌വേ ദുരന്തത്തിൽ മരിച്ച മൂന്ന് പേരുടെ അടുത്ത ബന്ധുക്കൾക്ക് 4 ലക്ഷം രൂപ വീതം ധനസഹായം നൽകുന്നതിനുള്ള നടപടികൾ ആരംഭിക്കാൻ ജില്ലാ ഭരണകൂടം സംസ്ഥാന ദുരന്തനിവാരണ വകുപ്പിന് ഒരു ഫയലും അയച്ചിട്ടുണ്ടെന്ന് ദിയോഘർ സബ് ഡിവിഷണൽ ഓഫീസർ പറഞ്ഞു. അതിനിടെ, അപകടത്തിൽ 22 പേരുടെ ജീവൻ രക്ഷിച്ച പ്രദേശവാസിയായ പന്നലാലിന് എല്ലാ സർക്കാർ പദ്ധതികളുടെയും പ്രയോജനം ലഭിക്കുന്നുണ്ടെന്ന് ഉറപ്പാക്കാൻ ജാർഖണ്ഡ് മുഖ്യമന്ത്രി ഹേമന്ത് സോറൻ ജില്ലാ ഭരണകൂടത്തിന് നിർദ്ദേശം നൽകിയതായി ഔദ്യോഗിക പ്രസ്താവനയിൽ പറയുന്നു.
English Summary: Jharkhand ropeway accident: Cable car company to pay Rs 25 lakh compensation to relatives of deceased
You may like this video also
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.