ഉക്രെയ്‍നിലെ റഷ്യന്‍ സെെനിക നടപടിക്ക് ശേഷമുള്ള ആദ്യ ബ്രിക്സ് ഉച്ചകോടിയില്‍ ഇന്ത്യ പങ്കെടുക്കും. വിര്‍ച്വലായി നടക്കുന്ന ഉച്ചകോടിയുടെ തീയതി വ്യക്തമാക്കിയിട്ടില്ല. ജൂൺ 23, 24 തീയതിയാണ് നിര്‍ദേശിച്ചിരിക്കുന്നതെന്ന് കേന്ദ്ര സര്‍ക്കാര്‍ വൃത്തങ്ങൾ അറിയിച്ചു. കഴിഞ്ഞ വര്‍ഷം നടന്ന ഉച്ചകോടിക്ക് ഇന്ത്യയാണ് ആതിഥേയത്യം വഹിച്ചത്. ഇന്ത്യയുമായുള്ള അതിര്‍ത്തി സംഘര്‍ഷം ആരംഭിച്ചതിനു ശേഷം ചെെന ആതിഥേയത്വം വഹിക്കുന്ന ആദ്യ ഉച്ചകോടിയാണിത്.
ഉക്രെയ്ൻ സംഘർഷം, റഷ്യയ്‌ക്കെതിരായ ഉപരോധം കൈകാര്യം ചെയ്യുന്നതിനുള്ള സാമ്പത്തിക പദ്ധതികളുള്‍പ്പെടെയുള്ളവ ഉച്ചകോടിക്ക് മുന്നോടിയായുള്ള അനുബന്ധ യോഗങ്ങളില്‍ അംഗരാജ്യങ്ങളുടെ ഉന്നതതല ഉദ്യോഗസ്ഥര്‍ ചര്‍ച്ച ചെയ്തതായാണ് റിപ്പോര്‍ട്ടുകള്‍. ഉക്രെയ്്‍ന്‍ വിഷയത്തില്‍ ഏകീകൃത നിലപാടാണ് രാജ്യങ്ങള്‍ സ്വീകരിച്ചതെന്ന് വിദേശകാര്യ വക്താക്കളുടെ ചര്‍ച്ചയ്ക്ക് ശേഷം ചെെനീസ് വിദേശകാര്യ മന്ത്രാലയം പ്രസ്താവനയില്‍ അറിയിച്ചിരുന്നു.
ഈ മാസമാദ്യം നടന്ന ബ്രിക്സ് ധനമന്ത്രിമാരുടെ യോഗത്തിൽ റഷ്യൻ ധനമന്ത്രി ആന്റൺ സിലുവാനോവ്, ബ്രിക്സ് രാജ്യങ്ങൾക്കായി ദേശീയ കറൻസികളുടെ ഉപയോഗം, പേയ്‌മെന്റ് സംവിധാനങ്ങളുടെയും കാർഡുകളുടെയും സംയോജനം, ഫിനാന്‍ഷ്യല്‍ മെസേജിങ്ങ് സംവിധാനം, ഒരു സ്വതന്ത്ര ബ്രിക്സ് റേറ്റിങ് ഏജൻസി രൂപീകരണം എന്നീ നിര്‍ദേശങ്ങള്‍ മുന്നോട്ടുവച്ചിരുന്നു. യുഎസും യൂറോപ്യന്‍ യൂണിയനും ഏര്‍പ്പെടുത്തിയ ഉപരോധങ്ങളെ മറിക്കടക്കുക എന്ന ലക്ഷ്യത്തോടെയാണ് റഷ്യ നിര്‍ദേശങ്ങള്‍ അവതരിപ്പിച്ചത്. യോഗത്തില്‍ നിര്‍ദേശങ്ങള്‍ സംബന്ധിച്ച തീരുമാനമായില്ലെന്നാണ് റിപ്പോര്‍ട്ടുകള്‍.
English summary;BRICS summit in June; India will participate
You may also like this video;
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.