രാജസ്ഥാന്‍ ബോര്‍ഡ് പരീക്ഷയില്‍ 12-ാം ക്ലാസിലെ പൊളിറ്റിക്കല്‍ സയന്‍സ് പേപ്പറില്‍ കോണ്‍ഗ്രസിനെക്കുറിച്ചുള്ള ചോദ്യങ്ങള്‍ വിവാദത്തില്‍. ഇന്ത്യയിലെ ആദ്യത്തെ മൂന്ന് പൊതുതെരഞ്ഞെടുപ്പുകളിലും ആധിപത്യം പുലർത്തിയ പാർട്ടി ഏത് ഗരീബി ഹഠാവോ എന്ന മുദ്രാവാക്യം നൽകിയത് ആരാണ്, ഒരു സാമൂഹികവും പ്രത്യയശാസ്ത്രപരവുമായ സഖ്യമെന്ന നിലയിൽ കോൺഗ്രസിനെ സംക്ഷിപ്തമായി ചർച്ച ചെയ്യുക — വ്യാഴാഴ്ച നടന്ന രാജസ്ഥാൻ ബോർഡ് പരീക്ഷയുടെ 12ാം ക്ലാസ് പൊളിറ്റിക്കൽ സയൻസ് പേപ്പറിൽ ഉൾപ്പെടുത്തിയ ചില ചോദ്യങ്ങളായിരുന്നു ഇത്.
ഇത്തരം ചോദ്യങ്ങൾ ഉൾപ്പെട്ടതില്‍ കോൺഗ്രസ് നേതൃത്വത്തിലുള്ള രാജസ്ഥാൻ സർക്കാരിനെ വിമര്‍ശിച്ച് ബിജെപി രംഗത്തു വന്നപ്പോള്‍ ചോദ്യങ്ങൾ സ്വതന്ത്ര പരീക്ഷകർ സജ്ജമാക്കിയതിനാൽ തങ്ങൾക്ക് ഇതുമായി ബന്ധമില്ലെന്ന് കോണ്‍ഗ്രസും അവകാശപ്പെട്ടു.ചോദ്യങ്ങള്‍ സാമൂഹ്യമാധ്യമങ്ങളില്‍ വൈറലായതോടെ സംസ്ഥാനത്ത് വിവാദവിഷയമായി ചര്‍ച്ചയായിരിക്കുന്നു.
ചോദ്യങ്ങൾ തയ്യാറാക്കിയവർക്കെതിരെ കർശന നടപടിയെടുക്കണമെന്ന് ബിജെപി ആവശ്യപ്പെട്ടു. പത്രത്തെ അപലപിച്ചു, “ഇത് പൊളിറ്റിക്കൽ സയൻസ് പേപ്പറോ കോൺഗ്രസിന്റെ ചരിത്രത്തെക്കുറിച്ചുള്ള പേപ്പറോ? യുവതലമുറയെ തെറ്റിദ്ധരിപ്പിക്കാനാണ് കോണ്‍ഗ്രസ് ശ്രമിക്കുന്നതെന്നുംബിജെപി സംസ്ഥാന അധ്യക്ഷൻ സതീഷ് പൂനിയ പറഞ്ഞു മറ്റ് ചില ചോദ്യങ്ങളിൽ ഇവയാണ് ‘ഏത് സാഹചര്യത്തിലാണ് 1967 ലെ പൊതുതെരഞ്ഞെടുപ്പിൽ കോൺഗ്രസ് മത്സരിച്ചത്, അതിന് എന്ത് ജനവിധി ലഭിച്ചു
2004‑ലെ ലോക്‌സഭാ തിരഞ്ഞെടുപ്പിന് ശേഷം, പല സുപ്രധാന വിഷയങ്ങളിലും ഭൂരിഭാഗം പാർട്ടികൾക്കിടയിലും വിശാലമായ യോജിപ്പുണ്ടായി. അവയിൽ ഏതെങ്കിലും രണ്ടെണ്ണം ചുരുക്കി വിശദീകരിക്കുക. കൂടാതെ 1984ലെ ലോക്‌സഭാ തിരഞ്ഞെടുപ്പിൽ കോൺഗ്രസ് എത്ര സീറ്റ് നേടി ഇങ്ങനെ പോകുന്നു ചോദ്യങ്ങള്‍.
ബിഎസ്പി സ്ഥാപകനെ സംബന്ധിച്ചും ഒരു ചോദ്യം ഉണ്ടായിരുന്നു, ‘ഇന്ത്യൻ കമ്മ്യൂണിസ്റ്റ് പാർട്ടി എന്ത് അടിസ്ഥാനത്തിലാണ് വിഭജിച്ചത് തുടങ്ങിയ ചോദ്യങ്ങളും കടന്നു വന്നു
English Summary:Controversy over questions about Congress in 12th class political science paper in Rajasthan board exam.
You may also like this video:
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.