സമരമുഖങ്ങളിലെ സൂര്യസാന്നിദ്ധ്യമായ സനൂപ് കുഞ്ഞുമോനിത് പുതു നിയോഗം. എ ഐ എസ് എഫ്, എ ഐ വൈ എഫ് മുന്നണി പോരാളിയായിരുന്ന സനൂപ് കുഞ്ഞുമോൻ ഒട്ടേറെ പോരാട്ടങ്ങളിലൂടെയാണ് ജനമനസുകളിലേക്ക് നടന്ന് കയറിയത്. മണ്ണഞ്ചേരി പഞ്ചായത്തിൽ പെരുന്തുരുത്ത് മൂന്നാം വാർഡിൽ എൽ ഡി എഫ് സ്ഥാനാർത്ഥിയായി നാമനിർദ്ദേശിക പത്രിക നൽകിയപ്പോൾ തന്നെ സനൂപിന്റെ വിജയം ഉറപ്പെന്ന് നാട് പറയുന്നു.
ചേർത്തല എസ് എൻ കോളേജിലെ യൂണിവേഴ്സിറ്റി യൂണിയൻ കൗൺസിലർ, എ ഐ എസ് എഫ് മാരാരിക്കുളം മണ്ഡലം കമ്മിറ്റി സെക്രട്ടറി, എ ഐ എസ് എഫ് ജില്ലാ എക്സിക്യൂട്ടീവ് അംഗം, എ ഐ വൈഎഫ് മാരാരിക്കുളം മണ്ഡലം കമ്മിറ്റി സെക്രട്ടറി എന്നീ സ്ഥാനങ്ങൾ വഹിച്ചിട്ടുണ്ട്. നിലവിൽ എ ഐ വൈ എഫ് ജില്ലാ സെക്രട്ടറിയാണ്. കോൺഗ്രസ് സ്ഥാനാർത്ഥിയും വാർഡംഗവുമായിരുന്ന ബഷീർ മരിച്ചതിനെ തുടർന്നാണ് മണ്ണഞ്ചേരിയിൽ ഉപതിരഞ്ഞെടുപ്പ് നടത്തുന്നത്. നാമനിർദ്ദേശിക പത്രിക സമർപ്പിക്കാൻ സനൂപിനൊപ്പം പി പി ചിത്തരഞ്ജൻ എം എൽ എ, ജില്ലാ പഞ്ചായത്ത് പ്രസിഡന്റ് കെ ജി രാജേശ്വരി, ദീപ്തി അജയകുമാർ, ജി കൃഷ്ണപ്രസാദ്, ആർ റിയാസ്, ആർ സുരേഷ്, വി പി ചിദംബരൻ, ബൈ രഞ്ജിത്ത്, ടി വി അജിത്ത്കുമാർ, ആർ ജയസിംഹൻ, ജി വേണുഗോപാൽ, കെ ഡി വേണു, സി കെ സുരേന്ദ്രൻ, ആസിഫ്റഹിം, എം കണ്ണൻ, കെ എസ് ശ്യം എന്നിവരുമുണ്ടായിരുന്നു.
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.