ഇന്ത്യൻ ഇൻസ്റ്റിറ്റ്യൂട്ട് ഓഫ് ടെക്‌നോളജി (ഐഐടി) മദ്രാസിൽ കോവിഡ് വര്‍ധനവ് രൂക്ഷം. ഇന്ന് 11 പേര്‍ക്കുകൂടി കോവിഡ് സ്ഥിരീകരിച്ചതായി അധികൃതര്‍ അറിയിച്ചു. ഇതോടെ ആകെ രോഗബാധിതരുടെ എണ്ണം 182 ആയി ഉയർന്നതായി തമിഴ്‌നാട് ആരോഗ്യ സെക്രട്ടറി ഡോ. ജെ രാധാകൃഷ്ണൻ പറഞ്ഞു.
കേസില്‍ വര്‍ധനവുണ്ടെങ്കിലും സ്ഥാപനം അടച്ചിട്ടിട്ടില്ല. മറ്റിടങ്ങളിലേക്ക് കോവിഡ് പടരാതിരിക്കാൻ കാമ്പസ് അധികൃതരും സർക്കാരും പരമാവധി ശ്രമിക്കുന്നുണ്ടെന്നും ആരോഗ്യ സെക്രട്ടറി അറിയിച്ചു.
രോഗവ്യാപനത്തിന്റെ പശ്ചാത്തലത്തില്‍ രോഗലക്ഷണങ്ങളുള്ളവര്‍ പരിശോധനയ്ക്ക് വിധേയരാകണമെന്നും എല്ലാവരും മാസ്ക് ധരിക്കണമെന്നും അധികൃതര്‍ നിര്‍ദ്ദേശിച്ചു. കോവിഡ് പ്രോട്ടോക്കോള്‍ എല്ലാവരും പാലിക്കുന്നുവെന്ന് ആരോഗ്യപ്രവര്‍ത്തകര്‍ ഉറപ്പുവരുത്തണമെന്നും ആരോഗ്യ സെക്രട്ടറി അറിയിച്ചു.
English Summary: covid spreads to IIT Madras: covid confirmed 11 more
You may like this video also
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.