വനങ്ങള്‍ ജലത്തിനായി എന്ന വിഷയത്തിലധിഷ്ഠിതമായ പരിസ്ഥിതി പുനസ്ഥാപനം ‑ദ്വിദിന ദേശീയ ശില്പശാല ഇന്നും നാളെയുമായി തിരുവനന്തപുരത്ത്‍ നടക്കുമെന്ന് മന്ത്രി എ കെ ശശീന്ദ്രന്‍ വാര്‍ത്താസമ്മേളനത്തില്‍ അറിയിച്ചു. കേന്ദ്ര വനം- പരിസ്ഥിതി, കാലാവസ്ഥ വ്യതിയാന മന്ത്രാലയം യുഎസ്എഐഡി ഇന്ത്യന്‍ മിഷന്റെ സഹകരണത്തോടെ നടപ്പാക്കുന്ന ഫോറസ്റ്റ് പ്ലസ് 2.0 പ്രോഗ്രാം കെഎഫ്ആര്‍ഐ , സിഡബ്ല്യുആര്‍ഡിഎം എന്നിവയുടെ സംയുക്ത സഹകരണത്തോടെയാണ് ശില്പശാല സംഘടിപ്പിക്കുന്നത്.
തിരുവനന്തപുരം മസ്കറ്റ് ഹോട്ടലില്‍ ഇന്ന് വൈകുന്നേരം നാലിന് മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യും. വനംവകുപ്പ് മന്ത്രി എ കെ ശശീന്ദ്രന്‍ അധ്യക്ഷനാകും.
ചീഫ് സെക്രട്ടറി ഡോ. വി പി ജോയി, കേന്ദ്ര വനംവകുപ്പ് ഡയറക്ടര്‍ ജനറല്‍ ചന്ദ്രപ്രകാശ് ഗോയല്‍, സംസ്ഥാന വനം വന്യജീവി വകുപ്പ് പ്രിന്‍സിപ്പല്‍ സെക്രട്ടറി രാജേഷ് കുമാര്‍ സിന്‍ഹ, യുഎസ്എയ്ഡ് ഇന്ത്യ ഡപ്യൂട്ടി മിഷന്‍ ഡയറക്ടര്‍ കാരേന്‍ ക്ലിമോവ്സ്കി എന്നിവര്‍ പ്രത്യേക പ്രഭാഷണം നടത്തും.
English summary; The two-day National Workshop on Environmental Rehabilitation begins today
You may also like this video;
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.