മൂന്ന് കോടി വിലമതിക്കുന്ന രക്തചന്ദന തടികളുമായി രണ്ട് പേര്‍ അറസ്റ്റില്‍

ആന്ധ്രാപ്രദേശിലെ ചിറ്റൂരില്‍ നിന്ന് മൂന്ന് കോടി വിലമതിക്കുന്ന രക്തചന്ദന തടികളുമായി രണ്ട് പേരെ പൊലീസ് അറസ്റ്റ് ചെയ്തു. വേലു പെരുമാള്‍ എന്നിവരെയാണ് പൊലീസ് പിടികൂടിയത്. ഇവരില്‍ നിന്ന് 100 രക്തചന്ദനതടികളും നാല് വാഹനങ്ങളും പിടിച്ചെടുത്തു.

അറസ്റ്റിലായ പെരുമാള്‍ രാജ്യാന്തര കടത്തുസംഘത്തില്‍ പെട്ടയാളാണ്. ഒളിവിൽ കഴിയുകയായിരുന്ന പെരുമാളിനെതിരെ നടത്തിയ അന്വേഷണത്തിലാണ് ഇവരെ പിടികൂടിയതെന്ന് പൊലീസ് സൂപ്രണ്ട് റിഷാന്ത് റെഡ്ഡി പറഞ്ഞു.

രഹസ്യവിവരത്തിന്റെ അടിസ്ഥാനത്തിൽ ബംഗളുരു റോഡിലെ ചെർലോപ്പള്ളി ക്രോസിൽ നടത്തിയ വാഹന പരിശോധനയിലാണ് തിരുപ്പതിയിൽ നിന്ന് വെല്ലൂർ ഭാഗത്തേക്ക് പോവുകയായിരുന്ന ഇവരെ പിടികൂടിയത്. തിരുമല, തിരുപ്പതി വനങ്ങളിൽ നിന്ന് ഇവ കടത്തിയതായാണ് പൊലീസ് പറയുന്നത്.

Eng­lish sum­ma­ry; Chit­toor Police nabs red san­dal­wood smug­gler, seizes 100 logs worth Rs 3 crore

You may also like this video;