ലക്ഷദ്വീപിൽ നിന്നുള്ള ഹജ്ജ് സംഘം നാളെ കൊച്ചിയിലെത്തും

ലക്ഷദ്വീപ് ഹജ്ജ് കമ്മിറ്റി മുഖേന ഈ വർഷത്തെ ഹജ്ജ് തീർത്ഥാടനത്തിനു പുറപ്പെടുന്ന തീർത്ഥാടകർ നാളെ ഉച്ചയ്ക്ക് ശേഷം നെടുമ്പാശേരി ഹജ്ജ് ക്യാമ്പിലെത്തും. 76 പുരുഷന്മാരും 67 സ്ത്രീകളുമടക്കം 143 പേരാണ് തീർത്ഥാടനത്തിനു പുറപ്പെടുന്നത്. വെള്ളിയാഴ്ച വൈകുന്നേരം 7.35ന് പുറപ്പെടുന്ന എസ്‌വി 5735 വിമാനത്തിലാണ് ഇവരുടെ യാത്ര. കേരളത്തിൽ നിന്നുള്ള 234 പേരും ഈ വിമാനത്തിൽ യാത്രയാവും.

ലക്ഷദ്വീപിൽ നിന്നുള്ള ഹാജിമാരുടെ യാത്രയുമായി ബന്ധപ്പെട്ട് നെടുമ്പാശേരി ഹജ്ജ് ക്യാമ്പിൽ ആവശ്യമായ സൗകര്യങ്ങൾ ഒരുക്കുന്നത് സംബന്ധിച്ച് സംസ്ഥാന ഹജ്ജ് കമ്മിറ്റി ചെയർമാൻ സി മുഹമ്മദ് ഫൈസിയുടെ അധ്യക്ഷതയിൽ കഴിഞ്ഞ ദിവസം ചേർന്ന മീറ്റിങ്ങിൽ പ്രത്യേകം ചർച്ച ചെയ്തിരുന്നു. ലക്ഷദ്വീപിലെ തീർത്ഥാടർക്ക് ക്യാമ്പിൽ പ്രത്യേക സ്വീകരണവും യാത്രയയപ്പും നൽകും.

തമിഴ്‌നാട്, പുതുച്ചേരി, ആന്‍ഡമാൻ എന്നിവിടങ്ങളിലെ തീർത്ഥാടകരും അടുത്ത ദിവസങ്ങളിലായി നെടുമ്പാശേരി ഹജ്ജ് ക്യാമ്പിൽ എത്തും. അതത് സംസ്ഥാന / കേന്ദ്ര ഭരണ പ്രദേശങ്ങളിലെ ഹജ്ജ് കമ്മിറ്റി ഭാരവാഹികളും ഉദ്യോഗസ്ഥരും ഹാജിമാർക്കൊപ്പം ക്യാമ്പിലെത്തും.

Eng­lish summary;The Hajj del­e­ga­tion from Lak­shad­weep will reach Kochi tomorrow

You may also like this video;