നാഷണൽ ഹെറാൾഡ് ദിനപത്രവുമായി ബന്ധപ്പെട്ട കള്ളപ്പണം വെളുപ്പിക്കൽ കേസിൽ രാഹുൽ ഗാന്ധിക്കെതിരെ എൻഫോഴ്‌സ്‌മെന്റ് ഡയറക്ടറേറ്റ് (ഇഡി) നടത്തുന്ന അന്വേഷണവും കേന്ദ്രസർക്കാർ പുതുതായി ആരംഭിച്ച അഗ്നിപഥ് റിക്രൂട്ട്‌മെന്റ് പദ്ധതിയുമായി ബന്ധപ്പെട്ട് കാര്യങ്ങള്‍ ചര്‍ച്ചചെയ്യാനായി കോൺഗ്രസ് എംപിമാർ തിങ്കളാഴ്ച പാർലമെന്റിലെ പാർലമെന്ററി പാർട്ടി ഓഫീസിൽ യോഗം ചേര്‍ന്നു. ഈ രണ്ട് വിഷയങ്ങളിലും തങ്ങളുടെ പ്രതിഷേധം രേഖപ്പെടുത്താൻ തിങ്കളാഴ്ച ദേശീയ തലസ്ഥാനത്തെ ജന്തർമന്തറിൽ കോൺഗ്രസ് ‘സത്യഗ്രഹം’ നടത്തി.
മല്ലികാർജുൻ ഖാർഗെ, സൽമാൻ ഖുർഷിദ്, കൊടിക്കുന്നില്‍ സുരേഷ്, വി നാരായണസാമി, കെ സി വേണുഗോപാൽ തുടങ്ങിയ കോൺഗ്രസ് നേതാക്കൾ ജന്തർ മന്തറിൽ നടന്ന സത്യാഗ്രഹത്തിൽ പങ്കെടുത്തിരുന്നു.പ്രതിഷേധം തുടരുന്നതിനിടെ, രാഹുൽ ഗാന്ധിയെ പ്രതിനിധീകരിച്ച് കോൺഗ്രസ് പാർട്ടിയുടെ ട്വിറ്റർ ഇങ്ങനെ എഴുതിയിരിക്കുന്നു, പ്രതിവർഷം രണ്ട് കോടി യുവാക്കൾക്ക് തൊഴിൽ നൽകുമെന്ന് തെറ്റായ വാഗ്ദാനങ്ങൾ നൽകുന്ന ആളുകൾ, രാജ്യത്തെ യുവാക്കളെ തീപാതയിൽ നടക്കാൻ നിർബന്ധിക്കുകയാണ്. തൊഴിലില്ലായ്മ.ഇപ്പോൾ രാജ്യത്തുടനീളം സ്ഥിതിഗതികൾ വഷളായിക്കൊണ്ടിരിക്കുകയാണ്, അതിന് പ്രധാനമന്ത്രി മാത്രമാണ് ഉത്തരവാദി,. അഗ്നിപഥ് പദ്ധതിയെച്ചൊല്ലി കോണ്‍ഗ്രസ് നേതാവ് മല്ലികാർജുൻ ഖാർഗെ കേന്ദ്രത്തിനെതിരെ ആഞ്ഞടിച്ചു.
75 വർഷത്തിനിടെ ആദ്യമായാണ് സർക്കാരിന്റെ നയപരമായ തീരുമാനത്തെ പ്രതിരോധിക്കാൻ സർവീസ് മേധാവികളെ രംഗത്തിറക്കുന്നത്. എന്തുകൊണ്ടാണ് പ്രധാനമന്ത്രിയും ആഭ്യന്തര മന്ത്രിയും പ്രതിരോധ മന്ത്രിയും അഗ്നിപഥ് പദ്ധതിയിൽ മൗനം പാലിക്കുന്നതെന്നും അദ്ദേഹം ചോദിക്കുന്നു.കഴിഞ്ഞയാഴ്ച കേന്ദ്ര സർക്കാർ പുറത്തിറക്കിയ അഗ്നിപഥ് റിക്രൂട്ട്‌മെന്റ് പദ്ധതിയിൽ പ്രതിഷേധിച്ച് ചില സംഘടനകൾ ഭാരത് ബന്ദിന് ആഹ്വാനം ചെയ്തതിനാൽ തിങ്കളാഴ്ച 80-ലധികം ട്രെയിനുകൾ റദ്ദാക്കി, ഡൽഹി-എൻസിആറിലുടനീളം വൻ ഗതാഗതക്കുരുക്ക് അനുഭവപ്പെട്ടു.എന്നീ സ്ഥലങ്ങളിൽ പ്രക്ഷോഭം ശക്തമായപ്പോൾ, പ്രതിഷേധക്കാർ തീവണ്ടികൾക്ക് തീയിടുകയും വാഹനങ്ങൾ കത്തിക്കുകയും സ്വകാര്യ, പൊതു സ്വത്തുക്കൾ നശിപ്പിക്കുകയും ചെയ്തു.
പ്രതിഷേധം രാജ്യത്തിന്റെ വിവിധ ഭാഗങ്ങളിൽ റെയിൽ ഗതാഗതം തടസ്സപ്പെടുത്തി. പ്രക്ഷോഭം കാരണം രാജ്യത്തുടനീളം 491 ട്രെയിൻ സർവീസുകളെ ബാധിച്ചതായി റെയിൽവേ അധികൃതർ ഞായറാഴ്ച അറിയിച്ചു.അതിനിടെ, നാഷണൽ ഹെറാൾഡ് ദിനപത്രവുമായി ബന്ധപ്പെട്ട കള്ളപ്പണം വെളുപ്പിക്കൽ കേസുമായി ബന്ധപ്പെട്ട് എൻഫോഴ്‌സ്‌മെന്റ് ഡയറക്ടറേറ്റിറ്റ് (ഇഡി) രാഹുൽ ഗാന്ധിയെ തിങ്കളാഴ്ച ചോദ്യം ചെയ്തു. നാലാം ദിവസമാണ് ചോദ്യം ചെയ്യല്‍തുടരുന്നത് സഹോദരി പ്രിയങ്ക ഗാന്ധിയോടൊപ്പമാണ് രാവിലെ 11.10ഓടെ ഇഡി ആസ്ഥാനത്ത് എത്തിയത്.
English Summary: Congress MPs protest against Agneepath project and questioning of Rahul Gandhi
You may also like thisa video:
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.