ഇന്ത്യ, ഇസ്രയേല്‍, യുഎസ്, യുഎഇ രാജ്യങ്ങളുടെ സഖ്യമായ ഐ2യു2 വിര്‍ച്വല്‍ ഉച്ചകോടി നാളെ നടക്കും. ഇസ്രായേൽ പ്രധാനമന്ത്രി യാർ ലാപിഡ്, യുഎഇ പ്രസിഡന്റ് മുഹമ്മദ് ബിൻ സായിദ് അൽ നഹ്യാന്‍, ഇന്ത്യന്‍ പ്രധാനമന്ത്രി നരേന്ദ്ര മോഡി, യുഎസ് പ്രസിഡന്റ് ജോ ബൈഡന്‍ എന്നിവര്‍ ഉച്ചകോടിയില്‍ പങ്കെടുക്കും.
ഉക്രെയ്‍ന്‍ സംഘര്‍ഷം, ഇറാന്‍ ആണവ കരാര്‍, വിലക്കയറ്റം, എന്നീ വിഷയങ്ങളില്‍ നേതാക്കള്‍ ചര്‍ച്ച നടത്തും. വ്യാപാരത്തിലും നിക്ഷേപത്തിലും സാമ്പത്തിക പങ്കാളിത്തം ശക്തിപ്പെടുത്തുന്നതിനുള്ള സംയുക്ത പദ്ധതികള്‍ സംബന്ധിച്ചും ചര്‍ച്ച ചെയ്യുമെന്നും ഇന്ത്യൻ വിദേശകാര്യ മന്ത്രാലയം അറിയിച്ചു. ഇതാദ്യമായാണ് ഐ2യു2 നേതൃത്വ ഉച്ചകോടി നടത്തുന്നത്.
കഴിഞ്ഞ വർഷം വരെ വിദേശകാര്യ മന്ത്രി തലത്തിലാണ് യോഗങ്ങൾ നടന്നിരുന്നത്. ജലം, ഊർജം, ഗതാഗതം, ബഹിരാകാശം, ആരോഗ്യം, ഭക്ഷ്യസുരക്ഷ എന്നിങ്ങനെ ആറ് മേഖലകളിൽ സംയുക്ത നിക്ഷേപം പ്രോത്സാഹിപ്പിക്കാനാണ് സഖ്യം ലക്ഷ്യമിടുന്നത്.
കഴിഞ്ഞ ഒക്ടോബറില്‍ നടന്ന ഇന്ത്യ, ഇസ്രയേല്‍, യുഎസ്,യുഎഇ വിദേശകാര്യ മന്ത്രിമാരുടെ യോഗത്തിലാണ് സഖ്യത്തിന്റെ രൂപികരണം സംബന്ധിച്ച് തീരുമാനമായത്. സഹകരണത്തിന്റെ സാധ്യമായ മേഖലകൾ ചർച്ച ചെയ്യുന്നതിനായി ഓരോ രാജ്യവും ഷെർപ്പ തലത്തിലുള്ള ചര്‍ച്ചകള്‍ നടത്തുന്നുണ്ട്.
English summary;I2U2 first leadership summit tomorrow
You may also like this video;
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.