സ്വീഡന്‍ പ്രധാനമന്ത്രി മാഗ്ലലിന ആന്‍ഡേഴ്സണ്‍ സ്പീക്കറെ കണ്ടു രാജി സമര്‍പ്പിച്ചു. കഴിഞ്ഞ ദിവസം പുറത്തുവന്ന തെരഞ്ഞെടുപ്പ് ഫലത്തില്‍ തീവ്ര വലതുപക്ഷ സഖ്യം അധികാരത്തിലെത്തിയതിനെ തുടര്‍ന്നാണ് രാജി. ആന്‍ഡേഴ്സണിന്റെ രാജി അംഗീകരിച്ചതായി സ്പീക്കര്‍ അറിയിച്ചു. ഉഴ്ഫ് ക്രിസ്റ്റേര്‍സന്റെ നേതൃത്വത്തിലുള്ള വലതുസഖ്യം 176 സീറ്റുകള്‍ നേടിയപ്പോള്‍ ആന്‍ഡേഴ്സണിന്റെ നേതൃത്വത്തിലുള്ള ഇടത് ജനാധിപത്യ സഖ്യം 173 സീറ്റുകളാണ് നേടിയത്.
കുടിയേറ്റ വിരുദ്ധ നയങ്ങളുമായി പ്രചരണം നടത്തിയ ഉഴ്ഫ് ക്രിസ്റ്റേര്‍സന്റെ സ്വീഡന്‍ കണ്‍സര്‍വേറ്റീവ് പാര്‍ട്ടി ഭരണ കക്ഷിയ്ക്കെതിരെ അട്ടിമറി വിജയമാണ് നേടിയത്. സ്വീഡനില്‍ പുതിയൊരു കരുത്തുറ്റ സര്‍ക്കാര്‍ രുപീകരിക്കുമെന്ന് നിയുക്ത പ്രധാനമന്ത്രി ഉഴ്ഫ് ക്രിസ്റ്റേര്‍സന്‍ അറിയിച്ചു. അതേസമയം സ്വീഡന്റെ പുരോഗതിക്കാവശ്യമായ ഏതാവശ്യത്തിനും താന്‍ പരിപൂര്‍ണ പിന്തുണ പ്രഖ്യാപിച്ചതായി മാഗ്ലലിന ആന്‍ഡേഴ്സണ്‍ അറിയിച്ചു.
English Summary: Swedish PM Magdalena Andersson resigns
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.