പത്തനംതിട്ട കോന്നി സര്ക്കാര് മെഡിക്കല് കോളജ് എംബിബിഎസ് പ്രവേശനത്തിന് നാഷണല് മെഡിക്കല് കമ്മിഷന്റെ അംഗീകാരം.
100 എംബിബിഎസ് സീറ്റുകള്ക്കാണ് അംഗീകാരം ലഭിച്ചതെന്ന് ആരോഗ്യമന്ത്രി വീണാ ജോര്ജ് പറഞ്ഞു. ഇതോടെ സര്ക്കാര് മേഖലയില് അംഗീകാരം ലഭിച്ച ആകെ എംബിബിഎസ് സീറ്റുകളുടെ എണ്ണം 1655 ആയി. കോന്നി മെഡിക്കല് കോളജിന് അംഗീകാരം ലഭിച്ചതോടെ ഈ മെഡിക്കല് കോളജിലും വലിയ വികസന പ്രവര്ത്തനങ്ങള് സാധ്യമാക്കാനാകും. ഘട്ടംഘട്ടമായി മറ്റ് മെഡിക്കല് കോളജുകളെ പോലെ കോന്നി മെഡിക്കല് കോളജിനേയും മാറ്റും. നടപടി ക്രമങ്ങള് വേഗത്തിലാക്കി ഈ അധ്യയന വര്ഷം തന്നെ എംബിബിഎസ് വിദ്യാര്ത്ഥി പ്രവേശനം സാധ്യമാക്കുമെന്നും മന്ത്രി വ്യക്തമാക്കി.
എല്ഡിഎഫ് സര്ക്കാര് അധികാരത്തില് വന്ന ശേഷമാണ് ഇടുക്കി, കോന്നി എന്നീ രണ്ട് മെഡിക്കല് കോളജുകള്ക്കും അംഗീകാരം നേടാനായത്. ഇതിലൂടെ 200 പുതിയ എംബിബിഎസ് സീറ്റുകള് നേടാനായി. കൊല്ലം മെഡിക്കല് കോളജിലും, മഞ്ചേരി മെഡിക്കല് കോളജിലും നഴ്സിങ് കോളജുകള് ആരംഭിച്ചു. 120 നഴ്സിങ് വിദ്യാര്ത്ഥികള്ക്കാണ് ഇതിലൂടെ പ്രവേശം സാധ്യമായത്. 26 സ്പെഷ്യാലിറ്റി സീറ്റുകള്ക്കും ഒമ്പത് സൂപ്പര് സ്പെഷ്യാലിറ്റി സീറ്റുകള്ക്കും അംഗീകാരമായി. നിലവില് തിരുവനന്തപുരം-250, കൊല്ലം-110, കോന്നി-100, ആലപ്പുഴ‑175, കോട്ടയം-175, ഇടുക്കി-100, എറണാകുളം-110, തൃശൂര്-175, മഞ്ചേരി- 110, കോഴിക്കോട്-250, കണ്ണൂര്-100 എന്നിങ്ങനെയാണ് മെഡിക്കല് കോളജില് സീറ്റുകളുള്ളത്.
English Summary: Konni Government Medical College approved
You may like this video also
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.