ക്ലേ മോഡൽ നിർമ്മാണത്തിൽ അജയ്യനാവാൻ ഇക്കുറിയും വിഷ്ണു എത്തി. കൊച്ചി മുണ്ടുവേലിയിലെ ഫാദർ അഗൊസ്തിനോ സ്പെഷ്യൽ സ്കുളിലെ എട്ടാം ക്ലാസ് വിദ്യാർത്ഥിയാണ് ഈ മിടുക്കൻ. കോവിഡിന് മുൻപ് നടത്തിയ പ്രവൃത്തിപരിചയ മേളകളിൽ സംസ്ഥാനതലത്തിൽ ഒന്നാം സ്ഥാനക്കാരനായിരുന്നു ഈ വിദ്യാർത്ഥി. ആ പതിവ് തെറ്റിക്കാതെ ഇക്കുറിയും വിജയതുടർച്ചയ്ക്കാണ് പ്രവൃത്തി പരിചയ മേളക്ക് തേവരയിലെത്തിയത്. യാചകൻ എന്ന വിഷയമായിരുന്നു മത്സരത്തിന് ലഭിച്ചത്.
മറ്റ് മത്സരാർത്ഥികളെ പോലെ തന്നെ സാവധാനത്തിൽ തുടങ്ങിയ നിർമ്മാണം അവസാനിച്ചത് ജീവൻ തുടിക്കുന്ന ശില്പമായിട്ടായിരുന്നു.
യാചകന്റെ എല്ലാ ഭാവങ്ങളും മനസിൽ ആവാഹിച്ച് മെനഞ്ഞെടുത്ത ഈ ശില്പം കാണികളുടെ ശ്രദ്ധപിടിച്ചുപറ്റി. കേൾവിക്ക് തകരാർ സംഭവിച്ച വിഷ്ണുവിന് വേറെയും കഴിവുകൾ സിദ്ധിച്ചിട്ടുണ്ട്. പഠനത്തിന് മുൻപിട്ട് നിൽക്കുന്നതിനൊപ്പം കലാപരമായി ഒട്ടേറെ സവിശേഷതകളും വിഷ്ണവിനുണ്ട്. ഇത്തരം പ്രവർത്തനങ്ങൾ പരിപോഷിപ്പിക്കാൻ സ്കുളിന്റെ എല്ലാ പിന്തുണയും വിഷ്ണുവിനുണ്ട്.
English Summary:Vishnu to be invincible in clay model
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.