ക്രിസ്തുമസ് വിപണിയ്ക്കായി തയാറാക്കിയ 1300 ലിറ്റർ കോടയും വാറ്റുപകരണങ്ങളും പിടികൂടി. കാഞ്ഞിരപ്പള്ളി കോരുത്തോട് കൊമ്പ് കുത്തി വനത്തിനുള്ളിൽ ഒഴപ്പ് തോടിന്റെ കരയിൽ നിന്നും കോട്ടയം സ്പെഷ്യൽ സ്‌ക്വാഡ് സർക്കിൾ ഇൻസ്‌പെക്ടർ രാജേഷ് ജോണിന്റെ നേതൃത്വത്തിൽ നടത്തിയ തിരച്ചിലിലാണ് കോട കണ്ടെടുത്തത്. കോട്ടയം എക്‌സൈസ് ഇന്റലിജൻസ് ബൂറോയ്ക്ക് ലഭിച്ച രഹസ്യവിവരത്തെ തുടർന്നാണ് ഇവിടെ പരിശോധന നടത്തിയത്.
കോട തയാറാക്കിക്കൊണ്ടിരുന്ന പെരുവന്താനം മതമ്പ എസ്റ്റേറ്റ് കരയിൽ സനൽ എന്നയാൾ എക്‌സൈസിനെ കണ്ട് വനത്തിലൂടെ ഓടി രക്ഷപ്പെട്ടു. വലിയ ഇരുമ്പ് വീപ്പയിൽ ദ്വാരങ്ങളുണ്ടാക്കി ആധുനിക രീതിയിലാണ് മാസങ്ങളായി പ്രതി ചാരായം നിർമ്മിച്ചുകൊണ്ടിരുന്നത്. ഇരുമ്പ് വീപ്പകളിലും, വനത്തിൽ വലിയ കുഴികുഴിച്ച് പടുതാ കുഴിയിലുമായാണ് കോട സൂക്ഷിച്ചിരുന്നത്. ലിറ്ററിന് 1500 രൂപ നിരക്കിൽ ശബരിമലയിലെ കച്ചവടക്കാർക്കും വണ്ടിക്കാർക്കും കോരുത്തോട്ടിലെ വിവിധ മേഖലയിലും മാസങ്ങളായി ചാരായം കച്ചവടം ചെയ്ത് വരികയായിരുന്നു.
പാമ്പുകളും അട്ടകളും ധാരളമുള്ള ഈ സ്ഥലത്ത് മറ്റുള്ളവർ കടന്ന് ചെല്ലാൻ പ്രയാസമാണന്ന് മനസിലാക്കിയാണ് ഇവിടം ചാരായം നിർമ്മാണത്തിന് തിരഞ്ഞെടുത്തത്. ആഴ്ചകളോളമുള്ള രഹസ്യ നിരീക്ഷണത്തിനൊടുവിലാണ് ഈ സ്ഥലം എക്‌സൈസ് കണ്ടെത്തിയത്. റെയ്ഡിൽ ഇന്റെലിജൻസ് പ്രിവന്റീവ് ഓഫീസർമാരായ അരുൺ സി. ദാസ്, മേഘനാഥൻ, രഞ്ജിത് നന്ത്യാട്ട്, സക്വാഡ് അംഗങ്ങളായ എം.നൗഷാദ്, ദീപു ബാലകൃഷ്ണൻ, വിശാഖ്, കെ.കെ അനിൽകുമാർ എന്നിവർ പങ്കെടുത്തു. പ്രതിയേയും സഹായികളേയും ഉടൻ തന്നെ പിടികൂടുമെന്ന് എക്‌സൈസ് അറിയിച്ചു.
English Summary: 1300 liters of kettle and air conditioners prepared for the Christmas and New Year market were seized
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.