വിവാഹത്തിന് പുറത്തുള്ള ലൈംഗിക ബന്ധം ഒരു വര്‍ഷം വരെ ശിക്ഷ ലഭിക്കാവുന്ന ക്രിമിനല്‍ കുറ്റമാക്കി ഇന്തോനേഷ്യ. വിവാഹേതര ലൈംഗിക ബന്ധം, വ്യാജ വാര്‍ത്ത പ്രചരണം, സര്‍ക്കാരിനെതിരായ പ്രതികരണം തുടങ്ങി സുപ്രധാന മാറ്റങ്ങളുമായി ക്രിമിനല്‍ ചട്ടം പുതുക്കി പാർലമെന്റ് നിയമം പാസാക്കി. ഇന്തോനേഷ്യൻ പൗരന്മാർക്കൊപ്പം രാജ്യത്ത് താമസിക്കുന്ന വിദേശികള്‍ക്കും വിനോദസഞ്ചാരികള്‍ക്കും ബിസിനസ് യാത്രക്കാർക്കും നിയമം ബാധകമായിരിക്കും.
പുതിയ ബില്ലില്‍ രാഷ്ട്രപതി ഉടന്‍ ഒപ്പുവയ്ക്കും. എന്നാല്‍ പഴയ നിയമത്തില്‍ നിന്ന് പുതിയതിലേക്ക് മാറാന്‍ പരമാവധി ഒരു വര്‍ഷം മുതല്‍ മൂന്ന് വര്‍ഷം വരെ സമയമെടുക്കുമെന്ന് ഡെപ്യൂട്ടി നീതിന്യായ മന്ത്രി എഡ്വേർഡ് ഒമർ ഷെരീഫ് ഹിയാരിജ് പറഞ്ഞു. കുടുംബാംഗങ്ങളുടെ പരാതിയില്‍ മാത്രമെ ക്രിമിനല്‍ കേസെടുക്കുകയുള്ളു. വ്യാജ വാര്‍ത്തകള്‍ പ്രചരിപ്പിക്കുന്നവര്‍ക്കും പ്രസിഡന്റ്, വൈസ് പ്രസിഡന്റ്, സര്‍ക്കാര്‍ സംവിധാനങ്ങള്‍ എന്നിവയെ അപകീര്‍ത്തിപ്പെടുത്തുന്നവര്‍ക്കുമെതിരെ നിയമനടപടികള്‍ സ്വീകരിക്കുന്നത് സംബന്ധിച്ചും കരട് ബില്ലില്‍ പരാമര്‍ശമുണ്ട്.
English Sammury: Sex Outside Marriage Will Be Illegal Under Indonesia’s Sweeping New Criminal Code
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.