ബിജെപിയുടെയും ആർഎസ്എസിന്റെയും വെറുപ്പിന്റെ കമ്പോളത്തിൽ കോൺഗ്രസ് സ്നേഹത്തിന്റെ കട തുറക്കുമെന്ന് രാഹുൽ ഗാന്ധി.ഭാരത് ജോഡോ പദയാത്ര ഡൽഹിയിൽ പ്രവേശിച്ചപ്പോൾ നേതാക്കളെയും പ്രവർത്തകരെയും അഭിസംബോധന ചെയ്യുകയായിരുന്നു രാഹുൽ. രാജ്യത്തെ സാധാരണക്കാരൻ ഇപ്പോൾ സ്‌നേഹത്തെക്കുറിച്ചാണ് സംസാരിക്കുന്നത്. എല്ലാ സംസ്ഥാനങ്ങളിലും ലക്ഷക്കണക്കിന് ആളുകൾ യാത്രയിൽ പങ്കെടുത്തിട്ടുണ്ട്.ഞങ്ങൾ ആർഎസ്എസ്-ബിജെപിക്കാരോട് പറഞ്ഞിട്ടുണ്ട്,
ഞങ്ങൾ ഇവിടെ തുറന്ന് പ്രവർത്തിക്കാനുദ്ദേശിക്കുന്നത് നിങ്ങളുടെ വെറുപ്പിന്റെ ചന്തയില്‍ സ്നേഹിത്തിന്‍റെ കടയാണ് ഭയവും വിദ്വേഷവും പ്രചരിപ്പിക്കുന്നതാണ് ബിജെപിയുടെയും ആർഎസ്എസിന്റെയും നയങ്ങൾ, ഞങ്ങൾ അത് അനുവദിക്കില്ല, വിദ്വേഷ വിപണിയിൽ ഞാൻ സ്നേഹത്തിന്റെ കട തുറന്നിരിക്കുന്നു, അദ്ദേഹം പറഞ്ഞു.ഡൽഹി കോൺഗ്രസ്സിന്റെ നേതൃത്വത്തിൽ ഡൽഹി യൂണിറ്റ് മേധാവി അനിൽ ചൗധരിയുടെ നേതൃത്വത്തിൽ നിരവധി പ്രവർത്തകർ ബദർപൂരിലെ ഡൽഹി അതിർത്തിയിൽ രാഹുലിനേയും മറ്റ് നേതാക്കളേയും, യാത്രികരേയും സ്വീകരിച്ചു. ഹരിയാനയിലെ ഫരീദാബാദിൽ നിന്നാണ് യാത്ര ഡൽഹിയിലേക്ക് പ്രവേശിച്ചത്.ഹരിയാന മുൻ മുഖ്യമന്ത്രി ഭൂപീന്ദർ സിംഗ് ഹൂഡ, കുമാരി സെൽജ, രൺദീപ് സുർജേവാല, ശക്തിസിൻഹ് ഗോഹിൽ തുടങ്ങിയ മുതിർന്ന പാർട്ടി നേതാക്കളും യാത്രയുടെ ഭാഗമായി രാഹുൽ ഗാന്ധിയെ അനുഗമിച്ചു.
വിലക്കയറ്റവും തൊഴിലില്ലായ്മയും വിദ്വേഷവും നീക്കം ചെയ്യുക. ഇന്ത്യയുടെ ഈ ശബ്ദം ഉയർത്തി ഞങ്ങൾഇവിടെ എത്തിയതെന്നും രാഹുല്‍ വ്യക്തമാക്കിനൂറ്റി എട്ടാം ദിവസമായ ഭാരത് ജോഡോ യാത്ര ഡൽഹിയിൽ പ്രവേശിക്കുകയാണെന്ന് കോൺഗ്രസ് നേതാവ് ജയറാം രമേശ് ഹിന്ദിയിൽ ട്വീറ്റ് ചെയ്തിരുന്നു.ആഗോളതലത്തിൽ കൊവിഡ് കേസുകളുടെ വർദ്ധനവ് സംബന്ധിച്ച് ഇന്ത്യ ജാഗ്രത പുലർത്തുകയും മറ്റ് രാജ്യങ്ങളിലെ കുതിച്ചുചാട്ടത്തിന്റെ പശ്ചാത്തലത്തിൽ കോവിഡ് മാർഗ്ഗനിർദ്ദേശങ്ങൾ പാലിക്കണമെന്ന് രാഹുൽ ഗാന്ധിക്ക് കത്തയക്കുകയും ചെയ്ത സാഹചര്യത്തിലാണ് യാത്ര ദേശീയ തലസ്ഥാനത്ത് പ്രവേശിച്ചത്. എന്നാൽ, യാത്ര അട്ടിമറിക്കാനുള്ള ബിജെപിയുടെ ശ്രമമാണിതെന്ന് കോൺഗ്രസ് ആരോപിച്ചു.
ചോദ്യങ്ങൾ ഉന്നയിക്കുന്നതല്ല സർക്കാരിന്റെ ജോലി, ഉത്തരം പറയുക, നിയമങ്ങൾ ഉണ്ടാക്കുക, പ്രോട്ടോക്കോളുകൾ പ്രഖ്യാപിക്കുക. ഞങ്ങൾ എല്ലാ കോവിഡ് പ്രോട്ടോക്കോളുകളും പാലിക്കും. വിമാനത്താവളങ്ങളിലും പൊതുസ്ഥലങ്ങളിലും മാസ്ക് ധരിക്കണമെന്ന് അവർ പ്രഖ്യാപിക്കണം. അവർ രാഷ്ട്രീയം മാത്രമാണ് ചെയ്യുന്നത്. കോൺഗ്രസ് നേതാവ് പവൻ ഖേര പറഞ്ഞു.യാത്ര രാവിലെ 11 മണിക്ക് ദേശീയ തലസ്ഥാനത്ത് ആശ്രാമം ചൗക്കിൽ അവസാനിപ്പിച്ച് ഉച്ചയ്ക്ക് 1 മണിക്ക് യാത്ര പുനരാരംഭിക്കും. മഥുര റോഡ്, ഇന്ത്യാ ഗേറ്റ്, ഐടിഒ എന്നിവയിലൂടെ സഞ്ചരിച്ച ശേഷം ചെങ്കോട്ടയ്ക്ക് സമീപം നിർത്തും.യാത്ര ഒമ്പത് ദിവസത്തെ വർഷാവസാന ഇടവേള എടുത്ത് ജനുവരി 3 ന് ഡൽഹിയിൽ നിന്ന് പുനരാരംഭിക്കും.
സെപ്റ്റംബർ ഏഴിന് തമിഴ്‌നാട്ടിലെ കന്യാകുമാരിയിൽ നിന്ന് ആരംഭിച്ച യാത്ര ഇതുവരെ ഒമ്പത് സംസ്ഥാനങ്ങൾ സഞ്ചരിച്ച് ജനുവരി അവസാനത്തോടെ ജമ്മു കശ്മീരിൽ സമാപിക്കും.തമിഴ്‌നാട്, കേരളം, കർണാടക, തെലങ്കാന, ആന്ധ്രാപ്രദേശ്, മഹാരാഷ്ട്ര, മധ്യപ്രദേശ്, രാജസ്ഥാൻ, ഹരിയാന എന്നീ ഒമ്പത് സംസ്ഥാനങ്ങളിലായി 46 ജില്ലകളിലായി 3,000 കിലോമീറ്ററുകൾ പിന്നിട്ട യാത്ര അതിന്റെ നൂറ്റി എട്ടാം ദിവസമാണ് ഇന്ന്
English Summary:
Congress will open a shop of love in the market of BJP’s hatred, says Rahul Gandhi
You may also like this video:
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.