കല്ലാറില്‍ ബുള്ളറ്റും കാറും കൂട്ടിയിടിച്ച് രണ്ട് യുവാക്കള്‍ക്ക് ഗുരുതരമായി പരിക്കേറ്റു. ചേമ്പളം തോട്ടത്തില്‍ ഡിബിന്‍(24), പാത്തിക്കല്‍ സതീഷ്(21) എന്നിവര്‍ക്കാണ് പരിക്കേറ്റത്. ശനിയാഴ്ച രാത്രി 11 ഓടെയാണ് അപകടം ഉണ്ടായത്. ചേമ്പളം ഭാഗത്തുനിന്നും വരികയായിരുന്നു ഇരു വാഹനങ്ങളും. കല്ലാറിലെത്തിയപ്പോള്‍ മുമ്പിലുണ്ടായിരുന്ന കാര്‍ താന്നിമൂട് ഭാഗത്തേക്ക് തിരിച്ചു. ഇതിനിടെ പിന്നാലെയെത്തിയ ബുള്ളറ്റ് ഓവര്‍ ടേക്ക് ചെയ്യാന്‍ ശ്രമിക്കുന്നതിനിടെ കാറില്‍ ഇടിക്കുകയായിരുന്നു.
ഇടിയുടെ ആഘാതത്തില്‍ റോഡിലേക്ക് തെറിച്ചുവീണ ഇരുവരെയും കല്ലാറിലെ സ്വകാര്യ ആശുപത്രിയിലും തുടര്‍ന്ന് കട്ടപ്പനയിലെ സ്വകാര്യ ആശുപത്രിയിലും പ്രവേശിപ്പിച്ചു. ഇതില്‍ സതീഷിന്റെ നില അതീവ ഗുരുതരമായതിനാല്‍ കോട്ടയം മെഡിക്കല്‍ കോളേജിലേക്ക് മാറ്റി. ഇടിയുടെ ആഘാതത്തില്‍ തെറിച്ചുവീണ ബുള്ളറ്റ് 20 മീറ്ററോളം തെന്നി റോഡിന്റെ വശത്തെ പോസ്റ്റില്‍ ഇടിച്ച് നില്‍ക്കുകയായിരുന്നു.
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.